Popular Bible Verses from यूहन्‍ना 16

Share

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

ओम्‍लोसम्‍म गानी बिन्‍निम मिबु। बिनी, मा गानी ल्‍वानी, मा गानी छो़म भ्रन्‍सिनी।

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी। गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी। मेनेम गानी गोलाई हाम वो हिला मेबोनी। आच्‍छाङा गो गानीलाई र्‍वाङु, गानी आमा नङडा हाम बिनी, मेराम आमा पापका गानीलाई ग्‍वानिमी।

आच्‍छाङा गो गानीलाई र्‍वाङु, गानी ख्राम्‍नीमा येनी-दुनी, लावो सु़म्‍दिसेर ने गेर्सी द्‍वा। इनीमा न-गो ख्राम लावो ख्रापा मे इनीमा न-गो गेर्सी।