Popular Bible Verses from मत्ती 15

Share

लावो गानी जेनिमिम ल्‍वा न-गोलामका लु, मेरामका गानीलाई मेसेपा दु़म्‍बेनी। हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

सिलामका हाम हु मेरामका मु़चु़लाई मेसेपा मेबु़, लावो सिलामका हाम ल्‍वा पाखानो लु, मेरामका मु़चु़लाई मेसेपा बु़।”

‘ओर्मिम मु़चु़का गोलाई उनी सिका कोङङा डोक्‍पु बोङिमी, लावो उनी न-गो ने गोडाम होनोवा बु। हाम ना हामका मेर्मिमका आमा सो़रलोले बोमी, मु़चु़का बनेम्‍डिम डु़म्‍ला कोङङा मेर्मिमका सीमी’।”

मेकोतिमा येशूका मे मेसेमलाई र्‍वाम्‍डी, “ए छापा, इमा थो़र छो़म डोक्‍पु बु। गाना र्‍वाक्‍नाम होङङा दु़म्नु़।” मेम्‍मा मे मेसेमकु जाउमोचो़ मेराम थारीकाङा सस्‍ल्‍याड्‌डा।

मे मेसेम आथावो येशूकाडा रोक्‍तामा क्रचु़खुम बेत्तो र्‍वाक्‍ता, “ङाचो़, गोलाई ख्‍लो़ङिनी।” गुमीका र्‍वाम्‍डी, “गो गाना वाङसामालाई ख्‍लो़न्‍नी माला पापका उ चो़च्‍चो़मिमकु सो़बेम रोडु़मिमा उ ख्‍लेबामिमलाई पोमु ग्‍वाकु़मिम होप्‍मामङा दु़म। मेम बोमु जो़पा मेदु़म।” मे मेसेमका र्‍वाक्‍ता, “गानी र्‍वाक्‍निम ने आच्छाङा ङाचो़, लावो ख्‍लेबामिमका वो उनी नेमहपकु टेबलकु गोयु़ आल्‍पा सो़बेमकु फ्‍वाक्‍चो़लमिम ने पोमु ल्‍वामी नी।”