Popular Bible Verses from मर्कूस 4

Share

मेकोतिमा येशू बम्‍डिमा ब्‍लोजु़लाई वाय बाया र्‍वाम्‍डी, मा दिरिदिनकु बाबारिमलाई वो र्‍वाम्‍डी, “वाय बाया” मेम्‍मिमका ब्‍लोजु़ फुन्‍मु डिड्‌डु़, मा मेसिन्‍डा वाय-वाय दु़स्‍ता। मेम्‍मा येशूका सीसिपामिमलाई र्‍वाम्‍डी, “गानी हेङा ङिनिमिम? हाम गानी आथावो थो़र मेलु़नी?”

मेर्मिम छो़म ङिम्‍डी, मा उनी त्‍वाप-त्‍वापडाङा र्‍वाबोमु चो़म्‍मिडी, “हेप्‍माम डे गुमी ने! गुमीका र्‍वामिम ने ब्‍लोजु़ नुङ दिरिदिनका वो थो़मी रेछा!”

गुमी ने मे कुबी-बोक्‍साकु चङनो कोले कोम्‍सु़डला उनी बुइ ल्‍वाम्‍थाम्‍डिमा अम्‍चेट्‌पा बाम्‍डी। मेम्‍मिमका सीसिपामिमका, “ङाचो़, हाम गुकु सिमु खाम्‍कुलो वो गानी गुकुलाई मेरेम्‍किनी?” र्‍वाक्‍तोङा फम्‍डी।

गुमीका आथावो मेर्मिम नुङ र्‍वाम्‍डी, “गानी थो़निमिम ल्‍वाडा न सोक्‍नी, हेप्‍माम थो़म्‍खोपका गानी वाङमिलाई ग्‍वानिमी, मेरामका ङा गानी वो रनी, मा मेरामडाम हापा गानी डार्नी।

येशूका आथावो र्‍वाम्‍डी, “माम्‍चु़नीकु किब्‍दी कोले मु़चु़का उमा ये-दडा भ्रल फोडु़मिम होप्‍मामङा बु। मेराम मु़चु़ अम्‍ल्‍या लावो, मेअम्‍साका बु लोवो, नेम्‍फु-सिन्‍था मेराम भ्रल ल्‍या, मा भ्रल बर। लावो मेराम हेसाका बर गुका मेच।

उहेमकाम थो़पा नोफ्‍ला बु मेरामका थो़सु़नु़।”