Popular Bible Verses from Jénésis 22

Share

Ébarahâm o/fé kyikit ánkyi dyizîn, Óburúkpâbí [o-kyâ.] Nang kurún, banet ba/tôong ba-raa ng ba/fu, Óburúkpâbí [o-kyâ] ké kaku emen.

Osówo o-sét ǎ o/fu, kúng ncen-wǎn eyên, Ázik mú oda ǒ ejang ejê ba-ca ké esí nyí Moryâ. Ké kyikit ánkyi, ké kaku ńké n/chi n-tông ǒ, kúng ǎ a-chi kyifen a-kye mě.

Orím ámu o-sét ǎ o/fu, *dachi a-némê mú wǎsíng* a-chi ǎ nang chwǒm*. Nn/nyît kántîk n/fu, wo amu a-shî ng Osówo, ké nǎ, wo a*da/nyii wǎn eyên mú oda ǒ ejang ejê ne nyǐ*.

Ébarahâm o-faa ǎ o/fu, Osówo oyén o/chi o-kye bě. Mbé ashí afee ba/wâa ba-cen n ba-câ.

Me n/ryí ocím n/fu, m-man n-jware ǒ, n-chi kyikû-banet eyên kyi-jê wǎ ékpére nyí nyi kyíbóng, ne wǎ éshíshě nyí nyi ké bukô-baya. Kyikû-banet eyên kyi/chi kyi-kpógê banet-bushwôn ebe. Kángkáng eshê nyí ké ejíí e/chi e-bí mě e/fu, me njware kányí wǎ eringe nyí n/jware kyikû-banet eyên, ké nǎ, wo aa/chi ńkyí me n/sét ǒ.

Ké nkéré mú kaa/rí, Osówo o/kan Ébarahâm, o-kó ǎ, Ébarahâm. Ébarahâm o-bángê.

Nké orím mú onong mú Óburúkpâbí o/bwom kyíbóng o-kó ǎ, Ébarahâm. Ébarahâm o-bángê.

Orím mú onong mú Óburúkpâbí o-bwom kyíbóng o-chîkó Ébarahâm ké kampén kafee o/fu, me Óburúkpâbí n/fu, mm/sem byiko ejí n/fu, ké nǎ, wo aa/chi ńkyín ne kaancen-wǎn eyên o*da ǎ eró ké dyityém*.

Ké nkéré mú ba/ribi ké kyikit ńkyí Osówo o/sét ǎ, Ébarahâm o/bi kyikit ńkyí badachi kyifen o-cibi ekwón ké nkyí. O-níbî wǎn emen o-bwá o-twôom ké ekwón ányi.