Popular Bible Verses from Jǒn 10

Share

Onet-kajii o-bâ, eringe nyǐ odajii, o-ju, o-bên nké nke. Me mm/bê, eringe nyí mbé badakoo dyikpen, ba-koo kándyí kerededet.

Me n-chi i mbâm ebû mú onong. Mbâm ebû mú onong o-bángê e kyitông emen ekye ké dyishí-ebû emen.

Ebû ejí e-jwo ng ejá nyí ejí. Me n-nyît ng kányí, ne nyǐ to nyi e-cen n ne me ké kyikû.

Me n-kyâ kányí dyikpen ńdyí ne banyá, ne nyǐ ee*ba/chi e-kpú ne banyá*. Onet to o*fí nang obónge mú oda mě eman ebam kányí o-koo*.

Me nké mu dyifyi-nkám-ebû. Nang yeě nké â o/cen ké bubwô ejí ne o-nung ké nkám-ebû ejí, Osówo o/chi o-nyii ǎ. Nyǐ o/chi o-nung, o-byí, ne o-ri to kyikit-byiryíng ḿbyí odaryí.

Me n-chi i mbâm ebû mú onong. Eringe nyí Bonchí ejí mu o-nyît ng mě me, ne me to mu n-nyît ng ǎ, ké eringe ányi ebónge to nké me mu n-nyît ng ebû ejí, ne nyǐ to nyi e-nyît ng mě. Me mu m-bángê e to n/fu, n-kyâ kyitông ejí ké dyishí ebe.

Ńkyí Bonchí ejí oo/kye mě kyi/rêe kyi-shwôm kángkáng byěm. Onet to o*fí nang obónge mú odaman ebam kányí ké bubwô ḿbú Bonchí ejí o-koo*. Me ne Bonchí ejí byimu eringe ebónge.

Me n-chi i mbâm ebû mú onong. Eringe nyí Bonchí ejí mu o-nyît ng mě me, ne me to mu n-nyît ng ǎ, ké eringe ányi ebónge to nké me mu n-nyît ng ebû ejí, ne nyǐ to nyi e-nyît ng mě. Me mu m-bángê e to n/fu, n-kyâ kyitông ejí ké dyishí ebe.

Onet o*fí nang obónge mú mu o-koo ng dyikpen ejí*. Nké me mu n-kyâ kándyí eringe nyí dyityém ejí dyi/sét mě. Me mu ne busa ḿbú ndakye kándyí, ne mu to ne busa ḿbú ndachîkoo kándyí. Nyín něen chwǒm ńkyí Bonchí ejí o/fu, me m-man n-chi.

Jisos o-chîraa kâng ne mbé o/fu, ké ntûntû nké mu n-sét ng běn n/fu, me nké mu dyifyi ńdyí nkám-ebû.

Onet mú bada ǎ eyámê oyámé, mú o*fí mbâm ebû* mú ebû e*fí nyí emen* o-mîng ng kányí ányi o-chêe ké nkéré mú oo/ri ekpang e-kú e-bâ. Ne ekpang ányi kâng e-ba-kám kányí, ne e-chi kányí e-firi byiryibyiryi.

Me mu n-sét ng běn ntûntû n/fu, onet mú o*fí o-cen n ké ocím-dyifyi ne o-nung ké nkám-ebû* nké mu o-yú u kyíbóng-nkám o-nung ké kafâ ké bukwóp bukíri, onet ámu o-chi i onet-kajii ne mbam banet byěm o-koo ng.