Popular Bible Verses from Jǒn 17

Share

Kúng kámbé a-kye byiko eyên ké bukwóp ḿbú ntûntû. Ké nǎ, ejá eyên, ányi ntûntû.

Ne nyín něen eringe nyí mbé badakyú ne dyikpen ńdyí ne banyá, â mbé mbe ba-nyît ng ǒ ba/fu, wo nké amu Osówo kǎnchí mú ntûntû, ne â mbé mbe ba-nyît ng to Jisos Karâs mú wo a/twóm.

Me n*fí n-fâ nshwam n-kyâ ǒ ké bubwô ḿbú bǎmgbán ejí nké nke* nké mu n-fâ to ké bubwô ḿbú banet ḿbé ba/bángê ne me ne atyém ebe ké bubwô ḿbú kyitwóm ebe ńkyí ba/jwo. Me mu n-fâ nshwam n/fu, kyi/bát mbé ashí amúmú bafiri wǎ onet obónge. Kyítá, kyi/bát mbé bakyú ké atyém eten wǎ eringe nyí wo amu ké dyityém ejí, me to ké ńdyí eyên. Kyi/bát mbé bafiri wǎ onet obónge, eringe nyí banet ḿbé ké ejíí ba/chi ba-bángê ba/fu, wo nké a/twóm mě.

Me n*fí n-fâ nshwam n/fu, fîm kámbé ké ejíí* nké mu n-fâ n/fu, bám kámbé kyi-kim ne Otu-Byibî-Barím.

Me nn/kye kámbé ofê, wǎ eringe nyí wo a/kye mě, eringe nyí mbé badafiri wǎ onet obónge, wǎ eringe nyí me ne wo byimu. Me mu ké atyém ebe, ne wo amu ké ńdyí ejí, eringe nyí mbé badakyú kerededet wǎ onet obónge. Eringe nyí ejíí edanyît e/fu, wo nké a/twóm mě, ne eringe nyí edanyît to e/fu, mbé mbe ba-jê ng ǒ wǎ eringe nyí me mu n-jê ng ǒ.