Popular Bible Verses from Lûk 12

Share

Ben to kâng, kpá n̂g byiko, ké ebóng, Wǎn-Onet o/chi o-bâ ké nkéré mú ben ba*fí ba-tî ng achi ba/fu, o/chi o-bâ*.

Nké kyé n̂g kpá byěm ḿbyí byi/kim ne Butu ḿbú Osówo, ne Osówo o/chi o-kye běn to byěm ḿbyín.

Ne o-chîraa o-ca kashú o-sét kámbé ashí kángkáng o/fu, kû n̂g etún achi ba-bám m byiko enen ké kángkáng azong-byěm eshwam. Ké ebóng, ochíchí-dyikpen ńdyí onet dyi*fí ké byěm ḿbyí nyǐ mu ne mbyí* nang o-bwa o-já esang nǎ*.

Ké ebóng, kyikit ńkyí adarôo esang eyên, ányi nké dyityém eyên dyidakyú.

Yeě ké burwám enen mú mu o-jang ng ekérê kyi-kim ne dyikpen emen, mú odaman etín aje emen a-ca kashú.

Jisos o-raa kâng ne bǎmgbán emen o/fu, nkyí nké me mu n-sét ng běn n/fu, *da n̂g echi ba-kûkérê kyi-kim ne byiryíng ḿbyí ben badaryí ne ba-kpen* nang kyi-kim ne byídí ḿbyí badabwá ké byiko*.

Nang eji nyí nyi běn ké dyishí, Osówo oo/pan kányí kángkáng. Nké *da n̂g echi ba-shî*. Ben ba/shwôm bujê-agbâng nang burá.

*Da n̂g echi ba-shî* ben kaǎbóng-ebû ńké bamu ba-cen n ne me ké kyikû* ké ebóng, nkyi kyi-nyîn n Bonchí enen o/fu, nyǐ o-kyâ běn Butu emen.

Kan n̂ achi ba-ri bunurung. Mbú boo*kwón esang-byichí* bu-fuu byiryíng bu-fé ké bankám*. Bu*fí nang ne byise* nang ne bankám*. Osówo nké mu o-kyâ kámbú byiryíng. Ben ba/shwôm bunurung kájékájé.

Nké *da n̂g echi ba-kûkérê ké dyityém enen ba/fu, chwǒm ńkyí ndaryí, ne chwǒm ńkyí ndajwáp byi-fím m mě nyá*.

Osówo nké mu o-bwá ng biǐbyâa byídí, biǐbyâa ḿbyí byidabyí kurún, nencí byi-kpú, ba-wuri kámbyí ba-fé ké okwâ. Kii*ba/chi kyi-kyú Osówo ké dyityém ńkyí oda běn ebwá to byídí dí*. Dyityém enen ńdyí ba/fé ne Osówo dyi*da/jê nang kaǎnyín*.

Nang ebóng chwǒm ńkyí ba/cít kánkyí ba/chi ba-bâa. Nang ebóng chwǒm to ńkyí nkyi ké kadip kyi/chi kyi-byí kyíjí.