Popular Bible Verses from U̍ku̍rɔ̍ yī Alɛrɔ̄ 1

Share

Uhu Ɔnɛ̄ɛhɛhi yī Ɔwɔ ge̍ē wā dikpo̍ba̍ ala̍ ma̍, ala̍ ge̍ē nāa wɔhu̍ ē mwɛbɛ. Ala̍ ge̍ē koko̍o yī lɛlā yī u de āchɛ la Ijɛru̍sālɛm, ba̍la ajɛ yī Ijudi̍ya wa̍a̍, ba̍la Isame̍riya, i̍ngɔ̍ɔ wa̍a̍ ge̍ chɛ̄ la ɔbɔ̍ɔ̄ba̍ yī ajɛ chrɔ̄.”

Iji̍sɔ̄ɔsi ka de wa̍ hīka, “Yɛ̄grāa ba̍la olo̍ yī lɛlā ɔha̍lɔha̍ wa̍a̍, Ɔwɔ A̍dā yī u lōri̍īnū de ē lā bū la wɔhu̍ yī nū a̍nɛ. O̍ i̍ hɔ̄ nīi ala̍ ge̍ē jo̍ōkū yī nū ni̍.

I̍chi̍chɛ ɔha̍, e̍ grēeyī gblāa abɔ̍ɔ la ɛbɛ ūkpo̍he ma̍. Iji̍sɔ̄ɔsi da wa̍ hīka, “Ala̍ e̍e pīya hī Ijɛru̍sālɛm ni̍. Ala̍ ā gblāa abɔ̍ɔ tīgbē yī ɔjā nīi A̍dā yī u choko̍o ge̍ē de nīi n ka de ala̍ ma̍. Ijɔ̍ɔn ē hu āchɛ yenyi la yenyi ɔlamu. Ɔ̄chī ɛmɛ̍ɛmla̍a u̍uma, ala̍ ge̍ē de hu yenyi la Uhu Ɔnɛ̄ɛhɛhi yī Ɔwɔ.”

Lipu̍ yī ɔ̄chī ohu ɛpa ɔla̍ā, bū la yɛ̄grāa nīi o̍ hye̍ēyī la okū ma̍, o̍ ē de iyī nū chabɔ̄ hu̍ wā myɛ̄grāa-myɛ̄grāa, ya̍ ochi̍chi̍ lēchi̍ lēchi̍ de wa̍ la ɔpɔ̄pū yɛ̄mɛ̄mɛ̄ ka anɔ̍lɔ e̍e hɔ̄leyī. E̍ ē ma̍ ɔ̄ la eyī. O̍ kɛlā yī Ɔchwɔ̄lɛ̍ Oro̍ōre̍ yī Ɔwɔ ba̍la aa̍.

Iji̍sɔ̄ɔsi kwɛ̍ɛjī la lɛlā nūma̍ ma̍, Ɔwɔ de ɔ̍ nāa pīya ga ichō la eyī yī wā wa̍a̍. Akpɔ̍ɔwɔ wā ge̍ gū ɔ̄ obū i̍ngɔ̍ɔ ke̍e̍.

E̍ e̍e gblāa abɔ̍ɔ ē myɛ̍ma̍ chwaa ē gāa ichō nīi o̍ pīya yɛ gāa ma̍, ayɛ̍ɛ̄chɛ̄rɔ̄ yī Ɔwɔ āchɛ ɛpa bīyɛchɛ abɔ̍ɔ la ichō. Ɔjā otūlibi̍īyē yī wā lɛ̍rɛ̍ɛ̄rɛ̍ fre̍te̍te̍. Ayɛ̍ɛ̄chɛ̄rɔ̄ ɛla̍ā ka grāa aa̍ hīka, “Aya̍aliga̍līli! Oji̍ nīi ala̍ ē myɛ̍ma̍ chwaa i̍ngɔ̍ɔ ē gāa ichō ma̍/? Iji̍sɔ̄ɔsi nūma̍ pi̍i̍ nīi Ɔwɔ de ɔ̍ nāa pīya hī ala̍ ga ichō ma̍ ge̍ē ku̍chē wā i̍ngɔ̍ɔ lɔkɔ nīi ala̍ ma̍ ɔ̄ nīi o̍ pīya yɛ aa̍ yɛ gāa ichō ma̍!”