Popular Bible Verses from U̍ku̍rɔ̍ yī Alɛrɔ̄ 4

Share

Ɔhɛ̍ta̍ hɔ̄ gala abɔ̄ yī anu̍ lōri̍īnū. Riyī ɔha̍lɔha̍ i̍ hɔ̄ la yɛchɛ nūma̍ nīi Ɔwɔ de de āchɛ̄ɛchɛ, nīi alɔ ge̍ē lɛ ɔhɛ̍ta̍ la anu̍ ni̍, ɔ̍chi̍kpa̍kpa̍ Iji̍sɔ̄ɔsi.”

E̍ kwɛ̍ɛjī la ɔhā ojōji ma̍, ipu̍nu̍ nīi e̍ tū ma̍ he̍ejē mɔri̍mɔri̍. Uhu Ɔnɛ̄ɛhɛhi yī Ɔwɔ mu wa̍ ibi̍īyē omōmu ɔpɔ̄ɔpɛ̄. E̍ kū la lɛlā yī Ɔwɔ la ɔkɔ̄ka grigrigri bɛ̍ɛ̄nɛ̄.

Ādā, ma̍ ɔna oluhuhwi nīi e̍ yɛ ma̍ ē ta̍ alɔ ma̍ gɛ! Tū alɔ āchɛ yī wɔ wɔbɔ̄ nīi alɔ ā tūuhwi, pi̍ye̍mā la ɛrɔ̄ yī wɔ ɔkɔ̄ka ni̍!

Iji̍sɔ̄ɔsi nūma̍, anu̍ re̍ka ‘Lɛchɔ̄ nīi ala̍ āchɛ ɔmwɔlɛ̍ hi̍hi̍yo̍ ka ɔ̍lɔ i̍ hwɔhi ni̍ nīi chōo̍chē de pīya lɛchɔ̄ ɔlamu ɔlamu gɔ̄ga ma’ a̍nɛ.

Alihiyo ɛla̍ā ma̍ hīka Ipi̍ta ba̍la Ijɔ̍ɔn ɔ̍lɔ kɛlā grigrigri lēchi̍ lēchi̍. E̍ chī jo̍ōkū ka ɛ̍lɛ - āchɛ ɔlamu ji nɛ, ɛ̍lɛ i̍ je̍ īpū ni̍. Wu̍chē yī ɔla̍ā, o̍ lɛ wa̍ lɛbɛ̍bi̍ kpɛ̍ɛji. E̍ chōo̍chē wā ge̍ de jo̍ōkū bɛ̍ɛ̄nɛ̄ hīka ɛ̍lɛ hɔ̄ tāa Iji̍sɔ̄ɔsi je̍.

Āchɛ ɛla̍ā wa̍a̍ nīi chɛ̄ku Ɔwɔ ma̍ gblāa la ɛri̍ya̍ ūkpo̍he ba̍la ūkpɔ̄tū ūkpo̍he. Ɔ̄chɔ̄chɛ i̍ ka hīka, “Ɔjā nūma̍ - iyī u nɛ” lɛ̍kɛ̍kɔ̍ ni̍. Ɔjā nīi ɔ̄chaha̍ ɔ̄chaha̍ yī wā lɛ ma̍ - iyī wā wa̍a̍ nɛ.