Popular Bible Verses from Sa Nga Be Yoli'n 1

Share

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Ɔ seli be kɛ: «Cɛn sɔ'n nin blɛ sɔ'n bɔ e Si bɔbɔ sieli'n, ɔ ti-man amun ndɛ su.

Kɛ Jésus nin be be ´di like'n, ɔ seli be kɛ: «Nán an tu amun bo Zerizalɛm wa, an `minndɛ like nga e Si Nyanmiɛn seli kɛ ɔ ´yo'n bɔ yɛ n kɛn i ndɛ kleli amun'n. Afin Zan yoli sran'm be batɛm nzue'n nun, sanngɛ amun liɛ'n, ɔ di le nnyɔn kun'n, Nyanmiɛn wa fɛ i Wawɛ'n yo amun batɛm.»

Kɛ ɔ wunnin nyrɛnnɛn b'ɔ wuli'n, ɔ fɛ i wun kleli be weiin sɔ le ablanan, yɛ ɔ kannin Nyanmiɛn sielɛ'n i ndɛ kleli be.

Kɛ i nuan tɔli bɔ be niɛn i'n, Nyanmiɛn mɛnnin i su, yɛ Nyanmiɛn ble kun kɛtɛli i su be nyrun.

Kɛ be tɛ nian nyanmiɛn su lɔ kɛ ɔ ´fu kɔ'n, be ´nian-an, sran nnyɔn yɛ, be tralɛ'n ti ufue, be jin bé wun lɛ, be usali be kɛ: «Galilefuɛ mun, nguɛ ti yɛ an jin wa nian nyanmiɛn su lɔ sɔ-ɔ? Jésus bɔ Nyanmiɛn mɛn i su ɔli nyanmiɛn su lɔ amun nyrun wa'n, ɔ wa ba ekun kɛ an wunnin i kɛ ɔ fa ɔli'n sa.»