Popular Bible Verses from Zan 19

Share

Kɛ Jésus tafili su'n, ɔ seli kɛ: «I kwlaa ɔ'a wie.» Kpɛkuun ɔ kɛnnin i ti ase, yɛ ɔ kali nun-ɔn.

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Kɛ Jésus wunnin i nin'n ɔ nin i sɔnnzɔnfuɛ ng'ɔ klo i kpa'n kɛ be jin lɛ'n, ɔ seli i nin kɛ: «Mmo, ɔ́ wa'n yɛ ɔ o lɛ-ɔ.» Yɛ ɔ seli i sɔnnzɔnfuɛ'n kusu kɛ: «Ɔ nin'n yɛ ɔ o lɛ-ɔ.» Kɛ ɔ fin cɛn sɔ'n nun'n, i sɔnnzɔnfuɛ'n fɛli i nin'n wɔli i awlo.

Kɛ be toli Jésus bɔ be wun kɛ ɔ'a wu'n, ɔ man b'a bubu-mɛn i liɛ'n wie, sanngɛ sonja'm be nun kun wɔli i nvɛn nun cua, kpɛkuun nzue nin mmoja be fin nun fiteli.

Kɛ ɔ ko yo nan Nyanmiɛn Ndɛ nga be klɛli'n ɔ'a kpɛn su'n ti yɛ ɔ yoli sɔ-ɔ. Be klɛli i kɛ: «Be su bu-mɛn i owie'n wie fi .» Yɛ be kɛn i Nyanmiɛn Ndɛ'n nun lika uflɛ ekun kɛ: «Be ´nian sran nga be bɔbɔ be wɔli i cua'n .»

Jésus suɛli i waka'n klɔ'n nun lɛ fa ɔli lika bɔ be flɛ i Ti Kongloman'n nun lɔ, lika sɔ'n ebre nun be flɛ i Gɔlgota.

Sonja'm be wɔli owie kɛ sika kle sa, be fa wlɛli i ti, yɛ be wlɛli i wun tralɛ dan kun b'ɔ ti ɔkwlɛ kankankan.