Popular Bible Verses from 1. Mose 49

Share

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

O Josef hi har i terno ruk pash o pani, hoi hidjrell bud rukengre. Leskre kashta wenn baro un djan pral i pre-tchidde barra, kai lo tardo hi. I kurepangre his chojedo ap leste. Ninna te dan le ap leste karje un lan les palla

his leskro bogo soreles an leskro wast, un leskre mussja his soreles kerdo, o Jakobeskro sorelo Dewel das les soor. Job dell garda ap o Israel har i bakrengro ap peskre bakre, un dell len gar pre. Tiro dadeskro Dewel well ap tiri rig. Job hi o sorelo Dewel. Job dell tut brishin dran o bolepen un pani dran i phub, ninna bud tchawe un vieche.

Tu, o Juda hal kowa, kones leskre phrala sharenna. Tiro wast hi soreles ap o shero kolendar, kai kamenn tuke tchilatchepen. Glan tute witsrenn pen tele tire phrala. Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Tu, o Ruben, miro phureder tchawo hal, miri soor hi an tute. Har homs terno un sorelo, wom tiro dad. Tu hal bareder un sorleder har tire phrala. Diwjo har i pani hals, pash jekate miri romjendar sowal. Ap tiro dadeste i ladj anal. Doleske buder gar ko pralstuno hal.