Popular Bible Verses from Luka 19

Share

O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

Un jon penan: “Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!”

Penas o Jesus ap leste: “Kau diwes las o Dewel i menshen an kau kheer dran o tchilatchepen win. Ninna kawa rom hi o Abrahameskro tchawo.

Un o Jesus was koi un dikas pre, un penas ap leste: “Zacheo, am sik koi tele! Kau diwes hunte wap me an tiro kheer.” Un o Zacheo was sik o rukestar tele, un las o Jesuses an peskro kheer dren, un his bachtelo.

O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”

Koi his ninna Farisarja mashkral i menshende ap o drom. Kolla penan: “Rai, pen ap tire malende, te mukenn le tele!” Penas o Jesus ap lende: “Me penau tumenge: Jon te rikrenn pengre muja, palle denn i barra gole.”