Popular Bible Verses from Luka 23

Share

Koi penas o Jesus: “Miro dad, le i doosh kolendar krik, kai man ap o trushel dan! Jon djinenn gar, hoi jon kran.” Un i lurde khelan pral leskre koola, te dikenn le, hoi hakeno lella.

Un o Jesus penas ap leste: “Tchatchepah, me penau tuke: Kau diwes hal tu mantsa an o Debleskri shukar baar.”

Un job penas ap o Jesuseste: “Jesus, ma biste man, te hal tu kote, kai tu o baro rai hal!”

Un o Jesus das bari gole: “Miro dad, an tire wasta tchiwau me miro djipen!” Un palle meras lo.

Har jon lauter ap ko kotar them wan, hoi kharella Muleskro Shero , dan jon o Jesuses ap o trushel, un kol dui tchilatche murshen ninna. Ko jekeskro trushel his tchatches lestar, ko wawareskro trushel his serwes lestar.

His nai deesh-te-dujenge, koi was o diwes kalo har i rati an o tselo them. Un kowa atchas jaake bis trinenge. Un o wudar an o Debleskro baro kheer, kai his kerdo dran kutch pesso than, koja djas an dui kotja mashkral paash.

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”