Popular Bible Verses from توریت شریف: پَیدایش 17

Share

جس ویلے حضرت ابرام نَنِنَوے سالاں نے ہوئے، اُس ویلے رب اُنہاں پر ظاہر ہویا تے آخیا، ”میں اللّٰہ قادرِ مطلق آں۔ مہاڑے مُطابق زِندگی گُزار، تے بے اِلزام رہو۔

تُہاڑا ناں ہُݨ ابرام نی ہوݨ لغا، بلکہ تُہاڑا ناں اِبراہِیم ہوسی، کِیئانکہ میں تُکی بہوُں قوماں نا پیو بݨائی شوڑیا اے.

میں تہاڑے نال تے تہاڑے تُوں بعد تُہاڑیاں نسلاں نال بلکہ اِنہاں نیاں ساریاں پُشتاں نال، اپݨا ابدی عہد کرساں. یعنی، میں تہاڑا تے تہاڑے بعد تُہاڑیاں نسلاں نا خُدا ہوساں۔

”تک! مہاڑا عہد تہاڑے نال اے، کہ تُوں بہوُں قوماں نا پیو ہوسیں۔

اللّٰہ تعالیٰ آخیا، ”کوئی شک نی کہ تُہاڑی کہرے آلی سارہ مُنڈا جمسی، تے تُوں اُس نا ناں اِسحاق رخیاں. میں اُس نال تے اُس نی اولادی نال اپݨا عہد، جیہڑا ابدی عہد اَے، قائم رخساں.

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

فِر حضرت اِبراہِیم سِر سجدے وِچ سٹیا، تے ہسی کے دِلے وِچ آخݨ لغے، ”سو سال نے بُڈھے نا وی مُنڈا جمی سکݨا؟ تے سارہ جیہڑی نَوے سالاں نی اے، اُس نی اُولاد کُتھوں جمسی؟

فِر اللّٰہ تعالیٰ حضرت اِبراہِیم کی آخیا، ”ساری جیہڑی تُہاڑی کہرے آلی اے، اِس کی ہُݨ ساری ناں آخیاں، بلکہ اِس نا ناں ہُݨ سارہ ہوسی.

تُساں سارے اپݨیاں سُنتاں کرواؤ، تے اے کم اِس عہد نا نشان ہوسی جیہڑا تُساں نے تے مہاڑے وِچ اے.

پر اسحاق نال میں اپݨا عہد کرساں، تے اسحاق اگلے سال اِسے خاص ویلے بی بی سارہ کولوں جمسی.“

تُساں وِچ پُشت در پُشت اٹھویں دیہاڑے پر ہر مُنڈے نیاں سُنتاں کِیتیاں جاݨ. اے کم اُس غُلام پر وی لاگو ہوݨا جیہڑا تُہاڑے کہار جمیا ہووے، یا کُسے پردیسی کولوں خریدیا ہوئے -- یعنی او جیہڑا تُہاڑی نسلاں وِچوں نی. کہار نے ہر مرد پر سُنتاں لازم اݨ، پاویں او کہار پیدا ہویا، یا کُسے پردیسی کولوں خریدیا ہووے. اے اِس گل نا نِشان ہوسی کہ مہاڑا عہد تُساں نال ہمیشہ تک قائم رہسی.