Popular Bible Verses from 1 TIMƆTI 2

Share

Zaakɛ Luda mɛ̀n domɛ, bensↄ̃ yãkɛkɛri kuu mɛ̀n do Luda kↄ̃n gbɛ̃nteenↄ dagura, àmbe gbɛ̃ntee Kirisi Yesu ũ. À a zĩnda kpà à baade píngi bò, ben wà à sèeda kɛ̀ a gurↄↄa.

Káaku gĩa ma lɛ́ dàmma, à adua kɛ baade pínginɛ, à zɛ́ gbekańnɛ, à kúɛ kɛ Ludanɛ ń yãnzi kↄ̃n sáabukpanao. À adua kɛ kínanↄnɛ kↄ̃n gbãadeenↄ ń píngi, lɛ wà e wàgↄ̃ kuu aafia yãkete sai ludayãdarinↄ ũ, wa kuuna gↄ̃ bɛ̀ɛ vĩ.

Má yezi gↄ̃gbɛ̃nↄ adua kɛ gu sãnda píngi, aↄ̃ ↄ sɛ́ musu gbãsĩ sai, pↄfɛ̃ kↄ̃n lɛokpakↄ̃aoo sai. Má yezi dↄ nↄgbɛ̃nↄ ń zĩnda kɛkɛ a zɛ́a yↄ̃̀kↄ̃kɛna sai, zĩndamↄnnɛna baasi. Èe kɛ kↄ̃n mì yↄ̃̀kↄ̃de tãnao ke vura kↄ̃n òso nↄmaablebↄnↄ ke bisa ↄↄdeenↄonlo. Aↄ̃ ń zĩnda kɛkɛ kↄ̃n maakɛnao, lán à kↄ̃ sìo nↄgbɛ̃ dↄnzirinↄ kɛ nà.