Popular Bible Verses from LUKU 6

Share

À gbɛ̃ gba pↄ́, Luda é a gba se. Eé zaka maaa kɛ̀ à gbɛ̃̀gbɛ̃ à wɛ̃̀ à pà yɛ́lɛlɛ káare a utalɛn. Zaakɛ zaka kɛ̀ eè yↄ̃ońnɛn Luda é yↄ̃onnɛ se.

Gbɛ̃ maaa è à maaa bↄ à maaa kɛ̀ kaɛna a guumɛ. Gbɛ̃ zaaa sↄ̃ è à zaaa bↄ à zaaa kɛ̀ kaɛna a guumɛ. Zaakɛ yã kɛ̀ swɛ̃̀ pàn lɛ́ è o.

Àgↄ̃ ye a ibɛɛnↄzi à à maaa kɛńnɛ. À pↄ́ sɛ̃kãńnɛ wɛ́ɛdↄzisai, é láada bíta e, égↄ̃ dɛ Luda Musude nɛ́nↄ ũ, zaakɛ è à maaa kɛ guturunↄnɛ kↄ̃n gbɛ̃ zaaanↄ.

Àgↄ̃ wɛ̃nda vĩ lán a De wɛ̃nda vĩ nà.

Àton gbɛ̃ taari ero, Luda é a taari e sero. Àton yã vɛ̃ɛ gbɛ̃aro, Luda é yã vɛ̃ɛawaro. À sùu kɛ kↄ̃n gbɛ̃nↄ, Luda é sùu kɛao.

Mɛ́ɛ oo amↄa kɛ̀ ée ma yã maanↄnɛ, àgↄ̃ ye a ibɛɛnↄzi à à maaa kɛ gbɛ̃ kɛ̀ aↄ̃ zàaguunↄnɛ. À sa maaa o gbɛ̃ kɛ̀ aↄ̃è sa zaaa oareenↄnɛ. À adua kɛ gbɛ̃ kɛ̀ aↄ̃è ĩa daawaanↄnɛ.

À kɛ gbɛ̃nↄnɛ lán á yezi aↄ̃ kɛare nà.

Tó gbɛ̃ n swãn kɛ̀ n gasu dooa, ǹ à doo dↄnɛ dↄ. Tó gbɛ̃ n utadaa sìmma, ǹton gínɛ kↄ̃n n dansikioro. Tó gbɛ̃ pↄ́ wɛ́ɛ kɛ̀mma, ǹ kpáa. Tó gbɛ̃ n pↄ́ sìmma, ǹton gbekaaro.

Lí maaa è nɛ́ zaaa iro, lí zaaa è nɛ́ maaa iro.

Wè lí píngi dↄ̃ a nɛ́amɛ. Wè kãkãa bo lɛ̀ líaro, wè geepi e gyantoaro.