Popular Bible Verses from Yowano 16

Share

Evi ngunavihanjika kuli enu mangana mutwamenga nakuunda muli Ami. Hano hakaye namukamwenangaho luyando, oloze likolezezenu, Ami ngunafungulula lyehi vyahakaye.

Oloze hakwiza Ikiye Shipilitu wamuchano, mwakamitwaminyinanga mumuchano wosena, mwomwo keshi kukalihanjikila tuhuko, oloze vyeshovyo mwakevwa vikiko vene mwakahanjika, kaha mwakamilweza ovyo navikasoloka kulutwe.

Kanda mulombengaho lyehi chuma mulijina lyami. Lombenunga, kaha namutambula, mangana kuwahilila chenu chipwenga chakutamo.

Oloze, Ami nangumilweza muchano ngwami, Chinawahe kuli enu Ami nguyenga, mwomwo nge kangweshi kuyako, Muka-kumikafwa keshi kwiza kuli enuko. Oloze nge nanguya, kaha nangumituminayo. Ikiye hakwiza mwakakunyula vaka-kaye hashili, hakwoloka nahakuhisa

Shikaho nayenu nawa, oholili muli nakulinyenga, oloze nangukamimona cheka, kaha michima yenu nayikawahilila, kaha kuwahilila chenu naumwe wauchi mwakamitambulacho. Halikumbi lize kamweshi kukangulomba chumako. Mwamuchano vene nangumilweza ngwami, Cheshocho namukalomba Tata mulijina lyami, mwakamihanacho.

Mwamuchano vene nangumilweza ngwami, Enu namulila nakwimba lungungu, oloze vaka-kaye navawahilila. Enu namulinyenga, oloze chinyengo chenu nachikalumuka kupwa kuwahilila.