Popular Bible Verses from Yowano 7

Share

Ou mwangufwelela Ami, ngana omu aya Mazu-vasoneka-ajila, mutulo yenyi namukafumanga tulwiji vameya akuyoyesa.

Halikumbi lize lyalilemu lyakukumisa chiwanyino, Yesu emanyine nakutambakana ngwenyi, Weshowo ali nalipwila, eze kuli Ami anwenga.

Jino ahanjikile ngocho nakuvuluka Shipilitu, Ou naveza kutambula vaka-kumufwelela, mwomwo haze Shipilitu apwile kanda vamutambule, kaha Yesu nawa apwile kanda vamuzezule nakusolola upahu wenyi wosena.

Kanda namuyulanga hakumona nameso kahako, oloze yulenunga nachiyulo chakwoloka.

Ou ahanjika vyenyi kaha, asaka upahu wenyi kaha, oloze Ou asaka upahu waUze amutuma, apwa wamuchano, kaha muli Ikiye kamwatwama kuhengako.

Shikaho Yesu avakumbulwile ngwenyi, Kunangula chami kacheshi chAmiko, oloze chaUze angutuma.

Vaka-kaye kaveshi kuhasa kumihungako, oloze Ami vanguhunga, mwomwo ngweji kuhananga unjiho wakwamba ngwami vilinga vyavo vyavipi.