Popular Bible Verses from Shitatiko 17

Share

Abulama oho ekalile na myaka 99, Nyambi ya Ngula waliholwele kukwendi, pe wambile ngayi, “Ami Nyambi Mpandashilanga. Nyombatale, kami utendenga bya kupwisha.

Lizina lyobe kukatoyiwa kami ngayi Abulama lifwako, ngoboni ngayi Abulahama, Elye nilyo likenga lizina lyobe ndaba nikakwinga tata matunga.

“Nikalama kulimama kwami kukwobe naku bazukulyobe naku bihemunwino bya kumbili ngayi kwinge kulimama kwa mwaya myaka. Nikenga Nyambi yobe na Nyambi wa bazukulyobe.

“Okwe niko kulimama kwami na nobe, nikukukulupisha ngayi ukenga nkaka ya matunga.

Ngoboni Nyambi ya Ngula wambile ngayi, “Byo, mukazobe Shala ukakubelekela mwana wa mulume pe ukamutumba ngayi Ishaki. Nikashumisha kulimama kwami nendi kwinga kulimama kwa mwaya myaka ku bazukulyendi.

Nikakupanika bana babengi na bazukulyobe litunga lino lya Kenaani omu uli na kwikala ngo lipukwenda. Litunga nimwalyo lya Kenaani likenga lyobe mwaya myaka, pe Ami nikenga Nyambi yabo.”

Niho Abulahama ashinkamine manungo hanci na kulamba, ngoboni watatikile kuhepa oho ahanganikile ngayi, “Kati muntu ukutwesha kwikala na mwana oho uli na myaka 100 ndi? Kati Shala uli na myaka 90 ukutwesha kwikala na mwana ndi?”

Niho Nyambi ya Ngula ambile kuli Abulahama ngayi, “Obe ku fwanina kami kukehana mukazobe ngayi Shalai wufwako, kufuma lelo ukamutumba ngayi Shala.

Ku balika hano mu ku fwanina kuya ku mukanda, shikenga shilimukisho sha kulimama kwami na nenu.

Ngoboni nikashumisha kulimama kwami kuli mwanobe Ishaki, ou Shala mukazobe aka kubelekela mwaka ukwiza.”

Mutwalenga banabenu ku mukanda oho mwana uli na matena mutanu na ahatu kufuma kukuhemuwa. Mutwale banabenu ku mukanda kubihemunwino nimwabyo, mwana hinge ndungo hinge wabula kuhemuwa ku lupashi lwenu. Muntu na muntu unafwanini kuya ku mukanda, muntu nimwendi wahemuwila mu litunga lino hinge ndi wakulandiwa na mali pe eshe shikenga shilimukisho ha zinyutu zenu sha ku monesha ngayi kulimama kwami nanenu kunengi kwa mwaya myaka.