Popular Bible Verses from Luka 3

Share

Oho bantu nimwabo bazubilishiwile, Yeshu kami wazubilishiwile. Oho alombelenga, liyilu lya shinkulukile, na Moyo wa Kuyela washulumukilile hahendi mu shifwekesha sha litela. Pe kwezile lizu lyafumine muyilu ngayi, “Obe Mwanami nahaka, ukungwahililisha shikuma.”

Yowano waba kumbwile nimwabo ngayi, “Nikumizubilisha na mema, ngoboni ou ukwiza munyima yami ukumpitakana, ku fwanina ku shobola mishulo ya makatulo wendi nifwako. Niye ukamizubilisha na Moyo wa Kuyela na mundilo.

Yimenu mikabo yiku monesha ngayi munatenguluku. Hinga mutatika kwamba mukati kenu ngayi, ‘Tuli na tatiyetu Abulahama.’ Haya nikumitongweza ngayi, Nyambi ukutwesha kufutula awa mamanya kwinga bana ba Abulahama.

Kazembe kanayakiwi ku mipishi ya mitondo, nohobene mutondo nimwawo ukubula kuyima mikabo yayiwahe ukatemiwa na kuyumbiwa mu mundilo.”

Nehi kwatikitiwile mu libuka lya muluwe Ishaya ngayi, “Lizu lya mukakubilika mu libelelengwa ngayi, ‘Wahishenu mukwakwa wa Mwene, ololenu zinzila zendi. Tungulungwa nimwato tukabuwiwa, mapili nimwawo na binkanda bikawululiwa. Na mikwakwa ya kukontama yikoloka, na zinzila zazibi zikalembululiwa. Bantu nimwabo bakamona kulamwina kwa Nyambi.’ ”