Popular Bible Verses from Luka 8

Share

Ngoboni mbuto yawililile ha limvu lya wilo yinengi bantu baya ba kuyuvwa lizu na kulilama mu mitima ya kwoloka na kupwisha, kami bakwikala na lunzewe hantu banayimi mikabo.

Mbuto yawililile mu mihongela yinengi bantu baya ba kuyuvwa lizu, ngoboni bya kulifulankana na wuheti na nyumwa ya byuma bya wumi uno bikatintisha lizu ngayi mikabo yabo yifwako kukula.

Mbuto iya yawililile ha mamanya yinengi bantu baya ba kuyuvwa lizu, ba kulitambula na ku wahilila, ngoboni lizu kuzika mipishi mumwabo lifwako, bakukulupila kashikati kakashe tuhu, oho shikati sha byezeko shakeza bakashiya kukulupila kwabo.

Yeshu wambile ku bandongesha bendi ngayi, “Kukulupila kwenu kuli kuti?” Niho batinine na kukomoka, bambile umo kuwamina ngayi, “Kati ou muntu wanahiti? Ndaba ukwambila nkuli na mankanyi, kami bikumwombatala!”

Mbuto iya yawililile mu nzila yinengi bantu baya ba kuyuvwa lizu, niho kami Shatana ukwiza na kufumisha lizu linakubiwi mu mitima yabo, kutina ba kulupila ngayi bapuluke.

“Ndaba kowa shuma sha kuholekiwa shikabula kuholoka, hinge sha kulimbiwa shikabula kutumpuka.

Mbuyama uya oho amonene ngayi kuholama wufwako, wezile na kulikankila, pe wawililile hanci ku mawulu a Yeshu, wamutongwezele ku meho a bantu nimwabo shumangani eshe anamukwatili na neshe ananyongomana wanguwangu. Yeshu wambile kukwendi ngayi, “Mwanami, kukulupila kwobe kunakunyongomanishi. Yanga mu ku mwena.”

Bezile kukwendi, bamutoneshele ngayi, “Hekulu, Hekulu! Tuli na kufwa!” Niho apindukile, wambilile nkuli na wukali wa mankanyi ngayi amwene, pe kwekalile ku mwena shikuma.