Popular Bible Verses from ലൂക്കോശ് 12

Share

നെനച്ചിരക്കാത്ത ശമയത്ത് മന്ശ്‌നാഞ്ഞ് വന്ത കയ്യൻ വെന്റത് കൊണ്ട് നിങ്ങയും ഒര്ങ്ങിയിരക്കണം.

ഇന്റെ ആത്തിയം തെയ്‌വം വായന്റ ലോകത്ത്നപ്പെറ്റി നെനയ്‌ക്കണം; ഇന്റെ അത്‌ന്റ കൂട്ടത്ത് ഇതൊക്ക നിങ്ങ്ക്ക് കിട്ടും.

അപ്പിനിക്കി ഏശു അവങ്ങളോട പേശിയാൻ, “ഉറവായില് ആശവെക്കാണ്ടി അതീനെന്റ് മാറിനെക്കണം; എന്തനിന്റെ ഒര മന്ശ്‌ന്റ ഉശ്റ്ക്ക് എടിത്തറയാഞ്ഞ് ഇര്ക്കന്റത് അവന്ക്കൊള്ള ശൊത്ത്ശൊകന്തറമില്ല.”

എന്തനിന്റെ നിങ്ങള ശൊത്ത്ശൊകന്തറം ഏടയാണോ ഇര്ക്കന്റത് അവടയാണും നിങ്ങള മനശീല നെനപ്പും ഇരപ്പാട്ടത്.

പൊളപ്പ്നപ്പെറ്റി നെനച്ച് വേവലാതിപ്പെടന്റത് കൊണ്ട് ഏവനക്കിങ്കീലും ഒര മിനായിനേരം ഇന്റാലും പൊളപ്പോട കൂട്ട്‌വാനിക്കി പെറ്റ്മാ?

ഏശു അവന്റ ശിശിയൻമാരോട പേശിയാൻ; അത്കൊണ്ട് എന്തൻ തിന്റം എന്തൻ കുടിച്ചം ഇന്റ് പൊളപ്പ്നപ്പെറ്റിയും എന്തൻ ഇടണമിന്റ് തേകത്ത്നപ്പെറ്റിയും നിങ്ങ വേവലാതിപ്പെടേറ്.

നിങ്ങള തലയില തലനാര് പോലും എത്തറയൊണ്ടിന്റ് തെയ്‌വത്ത്ക്ക് തിക്കൊണ്ട്; അത്കൊണ്ട് നിങ്ങ പേടിക്കേറ്; കൊള്ള കുര്‌ല്നക്കായും നിങ്ങ വെലയൊള്ള കൂട്ടറാണും.

കുഞ്ചിയാട്ട്ന്റ കൂട്ടമേ, പേടിക്കേറ്; നിങ്ങള അപ്പൻ മേലോകം നിങ്ങ്ക്ക് തെര്‌വാനിക്കി ഇട്ടപ്പെടന്റാര്.

കാക്കകള നെനച്ച് പാരൻ; അത് വെതക്കത്തോ അറക്കത്തോ ചെയ്യ്‌ല, അവ്ങ്ങ്ക്ക് ആലവീടോ പിരിയോ ഇല്ല. ഇന്റാലും തെയ്‌വം അവ്ങ്ങ്ക്ക് തീറ്റ കൊട്ക്ക്ന്റ്. പക്കികളക്കായും നിങ്ങ വെലയൊള്ള ആള്കളാണും.

എന്തൻ തിന്റം എന്തൻ കുടിച്ചം ഇന്റ് നെനച്ച് നിങ്ങ വേവലാതിപ്പെടേറ്.

ഇന്റൊള്ളതും നാള എട്പ്പീല്ട്ട് ചുട്ട് കളയന്റതും ആഞ്ഞ പില്ല്ന തെയ്‌വം ഈണ ഒരക്കന്റതിന്റെ, ഇത്ത്റി നമ്പൊള്ളാള്കളേ അവൻ നിങ്ങള എത്തറ ചെപ്പക്കാറനാക്കി ഒര്ക്കും.

ഇപ്പൻ മൂട്ടി വെച്ചിരക്കന്റതൊക്ക വെളിപ്പട്ട് വെരും; ഇപ്പൻ ഒളിച്ച് വെച്ചിരക്കന്റതൊക്ക ഒക്കളക്കും തിക്കൊണ്ടാകത്തം ചെയ്യും.