Popular Bible Verses from IWUKA 23

Share

Nanyo mochiṟundia Mndumii-Ruwa onu, nao nechiwikia mboṟa kelya kyanu na mṟinga fonu; na inyi njechiwuta ndaaṟe ipfo kopfo. Kochikaapfo mndu mka echikumbapfo manya mhumbapfo, ipfo orukenyi lopfo; na iitala lya mkonu yapfo njechiiawutsia.

Ambuya, inyi njiduma malaika nakusongoe, kundu nakuringe njienyi, nawekuduo mṟasa alya handu njilekuteseheṟia.

Kyaindi koadanyia ṟu lyake lohi, na iwuta ishi shose njikeri ihamba; nlyondi inyi njechiwa mkituwa o wakituwa wapfo, na mtuuri o iwo wekekutuura.

Kulaoshane na chila yewuta mawicho manya kulawike wuṟingishi wopfo kiidi kya idedo lyose, indi uhambe lohi mkonu yose. Manya kulakundie mndu mfafa kipfa kya wufafa woke.

Kulaedie mbonyi tsa mboru; kulatarame mndu mmbicho, ma iwuta wuṟingishi wo wongo womtarama.