Popular Bible Verses from IWUKA 32

Share

Naho wandu wekiwona ke Mose nakeleo isoka kulya fumvuhu, wakakusanzia handu hamu wakahendia Aroni, wakambia, “Kelusungusieng'u maruwa sa wechilusongoya mbele yadu, kyamba Mosechu aleluwuta kulya orukenyi lo Misri luichi kindo kilemhoyapfo.”

Mndumii-Ruwa kawia Mose, “Kyasia, sokang'u, cha kipfa wandu wapfo kulewawuta orukenyi lo Misri wamekunyamaṟa mrima yawo wawenyi, wamedeka oweṟe wakada mchumie fulya njile wawawasa, walekusungusia ihache lyesalaṟa wakaliindia na iliinenga kidaso, wechihamba, ‘Ichu nyio ruwa opfo aleluwuta kulya orukenyi lo Misri.’”

Nao Aroni kekiwona kindo kyo, kasungusia rasio oshangunyi lolyo; Aroni kaedia kechihamba, “Ngama nyi mkonu fung'anyi ko Mndumii-Ruwa.” Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

Ilyi lya ngama Mose kawawia wandu walya, mulewuta wunyamaṟi wung'anyi mnu; na wulalu njehenda huye ko Mndumii-Ruwa kofia njiwike kisanza kipfa kya wunyamaṟi wonu.”