Popular Bible Verses from MAWOOKIONYI 39

Share

Mndumii-Ruwa kakaa hamu na Yosefu, nao kaengeṟeka; nao nawei mmbenyi ya mndumii oke, Mmisri ulya.

Kadea shose awei nasho owokonyi lo Yosefu; manya alamanye mbonyi tsa ikyo kyose kyake, shile na kelyakyo elya tupu. Na Yosefu nawei mndu mcha, na awode kyamu kicha.

Mnene o wapfungo kawika wapfungo wose owokonyi lo Yosefu, na mnene o shindo shose shiwewutika kulya kipfungonyi.

Mndumii oke kaira Yosefu kammbika kipfungonyi, handu wapfungo wa mangi wekepfungio. Kyaindi Mndumii-Ruwa kakaa hamu na Yosefu, kamtarama, kamnenga iidikio kyamunyi kya mnene owapfungo.

Numa ya isho, mka o mndumii oke kalanga Yosefu, kambia, “Laa na inyi.” Kyaindi kaleha, kambia, “Ambuya, mndumii oko nanjinegie wunene wo shindo shose shikeri kunu mba koke, ma ekekusaṟa kya kindo kyose-pfo. Kuipfo mnene kunu mba kota inyipfo, manya anjiimie kindo kyo kyose shila iyopfo, kyamba iyo nyi mka oke. Njiwute wuwichowu wung'anyi wudi njidekio Ruwa?”

Kikashikia, mkonu fumu, kaida na mba naṟundiepfo iṟunda lyake, manya kulya mba kuweipfo mndu kiidi kya walya wa ipfo kanyipfo; mkacho kambada nguo tsake, kechimmbia, “Laa na inyi.” Yosefu kamdea nguo iya yake mawokonyi hake kadicha, kaida na nja.