Popular Bible Verses from WALEWI 26

Share

Njechichumia kiidi kyanu na iwa Ruwa onu nanyo mochiwa wandu wako.

njechimwendie mvuo kiheri kisumhanyi, oruka luidime ikumbia mfoeṟa fo shilimu, na ndunda tsa mashidinyi ha mademenyi.

“Kokoya moindia mawawaso hako na iwada mawawaso hako

Njechimuinenga ofoṟo orukenyi tane molaa kulawode kindokyo kyose kechimuowesha. Njechiwuta mando ha nja malang'a orukenyi na oruka lonu kochikaapfo shidapfo.

Njechimuichio makulili na imusaṟia muwade wana wafoi na imupfumbutsa; na Inyi njechiwanza mkundana foko nanyo.

Inyi nyio Mndumii-Ruwa, Ruwa onu njilemwuta orukenyi lo Misri kundu mulawe masinga ha Wamisri. Inyi njilefunja shitemba shilya muwewapfungie nzingonyi tsanu na imlekia muchumie necha.”

Njechiwika handu hako hekaa ipfo konu, manya njechimudapfo.

“Mulakusungusie mfanano ya maruwa ha wongo, mulawade masanamu hawo hepacha manya ngo, manya masanamu ha maho matsane orukenyi lonu na ishiindia; kipfa Inyi nyio Mndumii-Ruwa, Ruwa onu.

Kiheri kya shilimu mochikoya molya shilimu shilya sha kacha mutsuhaṟie; kechimukoya iwuta mtsuhaṟo fo kacha shikumbinyi muwone maanya fowika shilimu shihya.

Wandu wanu watanu wechifuna wakituwa ihana lyimu; na wandu wanu ihana lyimu wechifuna wakituwa shiku ikumi. Wakituwa wanu wechiarisikia oshangunyi lonu kui oshu.

Wechiweha mbeke tane wahaa msabibu; wechihaa msabibu tane kiheri kewaya mbeu. Mochiwada kelya kiingiki na ikaa kipuo orukenyi lonu.

Mochifuna wakituwa wanu na iwawaha kui oshu.

Wadenyi sabato tsako na iindia handu hako haele. Inyi nyio Mndumii-Ruwa.