Popular Bible Verses from Luka 5

Share

Lino vwu amalile ukutsova inongwa pwu akambula USimoni akata: Lino bihaga pańanza pagati pwu nkalahe ińelo tsińo nkonze isomba.

Akanda USimoni akata: Nkuludeva twijumilitse vukye natukavili kinu, lola ulwakuva utsovile uve, pwu ndilaha ulwelo. Lino vwu valahile nduvwu avavulaga, pwu vakavona valundaminye isomba ńongosu sitso nulwelo lwa vene lukadumuka.

Mańa umwene akuva ndukungu akisaja.

Nanditsili kukuvilanga va vagolosu ukuta nkilivukage, bako va vatulanongwa lweli vwu ndikuvilanga ndita nkilivukage.

Lino vwu atsivwene tsitsitsi USimoni Petele pwu akangwila mmalunde UJesu akata: Huma mwane umu nkuludeva, mańa ndili munu ndili ntulanongwa.

Pwu akanda UJesu akata: Avadulusu vwu navikundonda untuṅanya, va vatamu lweli vwu vikundonda.

Pwu vakagakwegela pakimwambo amaboti ga vene vakasileka baho syoni vakankonga jujwa.

Ulunge vwu ali mbutsenge uvunge pwu akambona ujyunge umunu va buba umamna gwoni. Vi akavona ambwene UJesu pwu akagundama pasi akantekelesa akata: Nkuludeva ungave unogilwe pwu ulumańile ukumonya. Pwu umwene akagolosa ikivoko akamwabasa mumana akata: Ndinogilwe uponage. Pwu ibuba jikajaga ṅani-ṅani.

Pwu inongwa tsa mwene tsitsitsi tsikapulikika mwoni-mwoni. Pwu vakalundamana avanu ikipuga avakupulihitsa ilimeńu navakuponela uvutamu vwa vene.