Popular Bible Verses from Luka 12

Share

Nangmi khaw nan ralring thok, icatile Mi Tiapa cu nan rinlo caan ah a pha thok,” tiah a ti hngai.

Acucanah, a uknak ca’h zuam rero sawn uh, culeh hi thilpawl hi khaw nan hemih piak an i ve leh thok.

Culeh, “Ralring uh! Duhhamnak a phunphun ih ral in khamtia uh; icatile mi pakhat ih nunnak cu a ngeihsiah tampi lakah a telcih lo,” tiah a ti hngai.

Icatile nan hlawnthil omnak ah nan thinlung khaw a om ve thok.

Cun nanmah lakih ahu mang ni nan dontiak ruangah nan nunkhua nazi pakhat te tal sausak beeng zo cu?

Jesuh ni a kaizulle cu, “Curuangah ka tan sim hngai, nan nunnak ca-ih nan awk thok, iklole nan ruangpun ca-ih nan sinthlai thok dontia hlah uh.

Nan lu parih sampawl hman dengin siar an ii. Nan thla phang hlah uh; nangmi cu caate tlungpi vanin nan man a khungsawn hekhawh.

“Hrul hlah uh, turual tiintele hngai, icatile nan hemih uknak piak cu nan Pa ih nuam ti zawng a ii.

Langakpawl hi ruat hman uh: thlai khaw an thla lo, khawm khaw an khawm lo, thilkhawlnak inn leh cawsiar khaw an ngei lo, a i nain Pathian ni a cawm hngai kau. Vapawl vanin ii tluk man tam hlehhlomi nan ii!

Cun itu nan awk thok leh itu nan din thok ca’h khaw zuam rero duh hlah uh, cun dontia ringring hlah uh.

Nihinni cu a nung ih zingla a’cun capeng mei sungih paihmi hramlak taa hman Pathian ni cutiih a thom a’cun, ii tlukin a tan thuam hngai hlehhlo thok – nangmi zumnak tlawm mile!

Hon lo dingih khummi ituhman a om lo, cun tiah leh lo dingmi thuthup ituhman a om lo.