Popular Bible Verses from Luka 3

Share

Mi hmawhhmawh cu tihnim an ii ih, Jesuh khaw tihnim a ik hnuk thla a cam lioah van cu a hongtia, culeh Thiang Thlarau cu thunu mang ruangpun in a parah a zong tu. Cun vancung in, “Nang cu ka Dawt ngaimi ka Tiapa na ii; na parah ka lung a hmui ngai,” timi aw pakhat a thang.

Johan ni an zate a let hngai ih, “Kei ni cu ti sungah ka tan hnim hngai. A i na’n kei van huham ngeisawn mi pakhat a pha lio thok; kei cu a kedaap hri phoih ding hman ah ka tlak lo. Ani ni cu Thiang Thlarau leh mei sungah a tan hnim hngai thok.

Sualrim lannak ziaza keng uh. ‘Abraham cu kan puhram a ii’ ti tia hlah uh; icatile Pathian ni cu hi lungpawl sungin Abraham ca’h tianaupawl a suahsak zo.

Atu hman ah thingkungpawl tawhram ah hreitlung siah a ii; curuangah pang ṭha a vuang lo mi thingkung poh cu hau in mei sungih duah a i thok,” tiah a ti hngai.

profet Isaiah ih aanka ngannak laibu sungih, “Ramṭhing ah khuahotu mi pakhat ih aw cu, ‘Bawipa ih lampi tuahtiim u la, a vahnak lam dangsak uh. Horkuam poh silh an i thok ih, tlang leh mual cang niamsak an i thok, cun a kawimi cu dangsak a i thok ih, lam hrimpipawl cu naalsak an i thok, culeh mi hmawhhmawh ni Pathian ih runnak cu an hmu thok,’ ” a timi mangin a ii.