Popular Bible Verses from Lntadan 16

Share

Rmengo dheya ka seediq Israel: “Nuuqu malu phqilun miyan Utux Tmninun nniqan miyan Micrayim hiya. Micrayim hiya we tleung miyan ssiyo ribo pnsaan heyi ma tntengi miyan mekan pang. Kiya de madis namu menan tadus brenux hini we ptuure namu phuqil menan ho?” Rmengo Moseh ka Utux Tmninun: “Ptingun mu peeyah baro ka uqun. Seediq Israel we asi ka mlatac mosa lmamu mangal so uuqun daha 1 ali ciida. So nii ptalang ku dheya qqtaan mu teta so muyu kari mu.

Meniq tadus brenux hiya ka dseediq Israel we smeriq smnetur quri Moseh ma Aharon.

Rmengo dungal ka Moseh: “Utux Tmninun we qdalun namu na heyi ka keeman ma pttkuun namu na mege pang ka mgrebu. Ado heya we tena wada mbahang snmriqan namu smnetur ka heya. Snmriqan namu menan ge, bale ba we smeriq namu Utux Tmninun!”

“Tena mu wada qbhangan ka snmriqan smnetur seediq Israel. Rngagi ka dheya: ‘Gbiyan we mpniqan ka heyi uqun daha ma mgrebu we mpttuku ka pang uqun daha. So nii ma dheya we asi kela mesa yaku ka Utux Baro Tmninun daha.’”