Popular Bible Verses from Lntadan 3

Share

Rmengo Moseh ka Utux Baro: “Yaku we so yaku ida ku nkiya.” Rmengo dungal: “Kesa rmengo ka dseediq Israel: ‘Yaku ida ku nkiya ka smnkagul kenan mquri yamu hini.’”

Rmengo ka Utux Baro: “Mptheyaq ku sunan. So nii ka pnskraya mu smkagul isu, bobo dmnudul su seediq mu pneyah Micrayim de, mpthmuku namu Utux Baro dgiyaq hini.”

Rmengo ka Utux Baro: “Iya eyah smdaling hini. Lhelah ramil papak su. Ado dxeral mrtaso ka ga su hyegan.”

Rmengo ka Utux Tmninun: “Bale ba qmnita ku seediq mu gaga trqilun meniq Micrayim. Wada mu qbhangan ka rengac daha pnqraqil mpqlahang mqeepah. Bale ba klaun mu ka pnkdraan daha. Meyah ku toma we maha ku dmoi baga dheya peeyah baga dseediq Micrayim. Mdudul ku dheya peeyah hiya meyah baro, dehuk malu ba ma knuglahang dxeral, dxeral psbyeqan nunuh ma walu. Kiya ka dxeral gaga niqan seediq Kenaan, seediq Xet, seediq Amori, Perijiy, Xiwiy ma, Yebus.

Tqita heya ka snkgulan Utux Tmninun, ga meniq ckceka dupi mntena rana puniq. Mita ka Moseh, tai, gisu srana ka dupi ma ini ka qnaqah.

Saya de, osa ka isu. Skgulun misu mquri Paroh hiya, maadis su seediq Israel laqi mu peeyah Micrayim meyah nganguc.”