Popular Bible Verses from Smnlean 39

Share

Meniq sapah tnpusu sapah na seediq Micrayim hiya ka Yosehu. Mtheyaq meniq Yosehu ka Utux Tmninun ma ndwaun na bale ka noda na.

Potipar ge, sbege na baga Yosehu kana. Wano ppuqun na, ini na klai ka ani maanu. Mseediq bale taan ka Yosehu.

Kiya de sbege na baga Yosehu kana ka dseediq ga shetur hiya. Kana ooda hiya we spooda na heya qmlahang kana.

Tnpusu sapah Yosehu de, qrapun na ka heya, rhugun na sapah kuung, kiya ka rhugan naqah seediq nqbsuran paru. Kiya de shetur sapah kuung hiya ka Yosehu. Kiya de msuupu Yosehu ka Utux Tmninun, smbleyaq quri heya. Kuxul bale qbsuran sapah kuung hiya ka heya.

Bobo noda nii, mqedil tnpusu sapah we spooda na doriq na mege smkuxul Yosehu, rmengo: “Psuupu ta mtaqi!” Ini sruwa ka Yosehu, rngagan na ka mqedil tnpusu sapah nii: “Tai! Kana ooda sapah we ini kela ani maanu ka pusu tnsapah mu. Heya we sbege na baga mu kana ka ani maanu. Uka ani ima ka mgkala yaku knparu meniq sapah nii. Wano isu, ini na rngii mege yaku kana. Ado isu we mqedil na. Mphuwa ku mesa meepah so nii paru ba qnquwan noda, pqnaqah Utux Baro da ho?”

Niqan 1 ali, meyah qmeepah truma sapah na ka Yosehu. Ciida, uka ani 1 seediq meniq truma sapah hiya. Blebil lukus na ka mqedil, rmengo: “Psuupu ta mtaqi!” Yosehu we htiyan na baga na ka lukus na, qduriq mosa nganguc da.