Popular Bible Verses from Spegan 14

Share

Kiya de iya ba tbrinah Utux Tmninun ka yamu ma, iya kcugi ka seediq gaga meniq dxeral hiya. Ado ngalun ta uuqun ka dheya. Wada sntheya dheya ka mpqlahang dheya di ma, Utux Tmninun we gisu mtheyaq ita kiya. Iya kiicu dheya!”

‘Utux Tmninun we ini smhemuc mseang, mpstenge ka gnaalu na. Smruwa qnquwan noda ma qnnaqah noda ka heya. Ini na ngali niqan qnquwan noda ka uka qnquwan noda. Asi ka pkdraun ka qnquwan noda seediq, peeyah tama betaq msn3, msn4 knxalan pkdira lqlaqi daha.’

Nasi smkuxul ita ka Utux Tmninun we, maha ta na ddulun betaq hiya ma bege na ita ka malu dxeral psbyeqan nunuh ma walu.

Wano Kaleb tnqliyan mu. Ado pskingal ba ka lhebun na ma thei ba kenan. Ddulun mu psteme dxeral nsaan na ka heya. Lqlaqi ltlutuc na we maha mangal dxeral kiya.

Tgsai ka dheya, rmengo ka Utux Tmninun: ‘Psdehu ku uka psteqan knuudus mu, mpuyu ku rnengo namu gaga birac mu maha so kiya pkdira yamu.

Rmengo Moseh ka Utux Tmninun: “Mpbetaq knuwan smbiciq qmita yaku ka seediq nii ho? Ani wada egu ba ka qneepah mu pnskraya quri ckceka dheya we mpbetaq knuwan ini snhii nana?

Smmeriq smnetur Moseh ma Aharon ka seediq Israel, rmengo ka kana daha: “Nuuqu miyan asi huqil dxeral Micrayim ka yami, nuuqu miyan asi qhuqil tadus brenux hini ka yami!

Ckceka mpkuuruy, Yehosua laqi Nun ma Kaleb laqi Yepuneh we asi sgaliq lukus daha. Rmengo kana seediq Israel ka dheya: “Knksaan miyan ma kmnuruy miyan ka dxeral kiya we malu riyung.

Kiya de, mpsdehu ku peeyah uka psteqan knuudus mu ma ledax Utux Tmninun stenge kana bobo dxeral: Dseediq nii we ani mnita knledax mu ma, pnskraya qneepah mu meniq Micrayim ma tadus brenux ciida ge, ida nak kiya mn10 psseung kenan ma ini qbahang kari mu. Dheya we uxe bale mpqita dxeral sntangan mu mege rdrudan daha. Kana smbiciq qmita kenan we, ani 1 ka uxe mpqita.