Popular Bible Verses from 1 ПЕТРОВО 4

Share

Пред сѐ имајте постојана љубов меѓу себе, зашто љубовта покрива многу гревови.

Бидејќи секој од вас добил дар, служете си со него еден на друг, како добри домоуправители на многукратната Божја благодат.

Ако некој говори, нека зборува како Божји зборови; ако некој служи, нека служи како по силата, која Бог ја дава, за да се слави во сѐ Бог преку Исуса Христа, Кому Му припаѓаат славата и силата во сите векови. Амин.

но, ако страда како христијанин, да не се срами, туку да Го слави Бога со тоа име

А крајот на сѐ е близу. И така, бидете разумни и бдејте во молитвите.

Возљубени мои, не чудете се на огненото испитување, што се појави меѓу вас, за да ве искуша, како да ви се случува нешто необично, туку, радувајте се дека соучествувате во Христовите страдања, за да можете да се радувате и да се веселите при откровението на Неговата слава.

Бидете гостољубиви еден кон друг без негодување.

Затоа и оние, кои страдаат по Божја волја, да Му ги предадат своите души на верниот Создател, правејќи добро.

И така, бидејќи Христос пострада во телото за нас, вооружете се и вие со истата мисла - зашто кој пострадал во тело прекинал од гревот, та останатото време на животот, во телото, да не го поминете според човечките страсти, туку според Божјата волја.

Блажени сте ако ви префрлуваат за Христовото име, зашто тогаш Духот на славата и Божјиот Дух почива врз вас. Вистина, - според нив, Тој е похулен, но според вас, Тој е прославен.