Popular Bible Verses from ಲೂಕೆ 8

Share

ಬೊಕ್ಕ ಕೆಲೆವೆರ್ ಪಾತೆರೊನು ಕೇಂಡ್ದ್ ಸಜ್ಜಿಡ್ ತನ್ಕುಲೆ ಉಡಲ್‌ಡ್ ದೀವೊಂದು ತಾಳ್ಮೆಡ್ ಫಲೊನು ಕೊರ್ಪೆರ್; ಮೊಕುಲೇ ಬಿತ್ತ್ ಬೂರ್ದಿನ ಎಡ್ಡೆ ನೆಲ ಆದುಲ್ಲೆರ್.”

ಬೇತೆ ಕೆಲೆವೆರ್ ಪಾತೆರೊನು ಕೇಂಡಿ ಬೊಕ್ಕ ಈ ಜೀವಮಾನೊಡು ಬರ್ಪಿ ಚಿಂತೆ ಐಶ್ವರ್ಯದ ಸುಖ, ಬೋಗೊಡ್ದು ಮುರ್ಕುದು ಫಲೊನು ಬುಲೆಪಾವುಜೆರ್; ಮೊಕುಲೇ ಮುಳ್ಳು ಗಿಡೊಕ್ಲೆಡ್ ಬಿತ್ತ್ ಬೂರಿ ನೆಲ ಆದುಪ್ಪುವೆರ್.

ಕೆಲೆವೆರ್ ಪಾತೆರೊನು ಕೇಂಡಿನಪಗನೇ ಸಂತೋಷೊಡು ಅವೆನ್ ಸ್ವೀಕಾರ ಮಲ್ಪುವೆರ್; ಮೊಕ್ಲೆಗ್ ಬೇರ್ ಇಜ್ಜಂದಿನೆಡ್ದ್ ಒಂತೆ ಕಾಲ ಮಾತ್ರ ನಂಬೊಂದಿತ್ತ್‌ದ್ ಶೋಧನೆದ ಕಾಲೊಡು ಬೂರ್ದು ಪೋಪೆರ್; ಮೊಕುಲೇ ಪಾದೆ ಜಾಗ್‌ಡ್ ಬೂರಿನಾಕುಲು.

ಬೊಕ್ಕ ಆಯೆ ಅಕ್ಲೆಡ, “ನಿಕ್ಲೆ ನಂಬಿಕೆ ಓಲುಂಡು?” ಅಂದ್‌ದ್ ಕೇಂಡೆ. ಅಕುಲು ಪೋಡಿದ್, “ಉಂಬೆ ಏರಾದುಪ್ಪೆ? ಗಾಳಿಲಾ ನೀರ್‌ಲಾ ಅಪ್ಪಣೆ ಕೊರ್ನಗ ಅವು ಆಯೆ ಪಂಡಿ ಪಾತೆರೊನು ಕೇನುಂಡತ್ತಾ,” ಅಂದ್‌ದ್ ಒರಿ ಒರಿಯಗ್ ಪಾತೆರೊಂದು ಅಚ್ಚಿರ ಆಯೆರ್.

ಕೆಲೆವೆರ್ ಪಾತೆರೊನು ಕೇಂಡಿ ಕೂಡ್ಲೆ ಅಕುಲು ನಂಬುದು ರಕ್ಷಣೆ ಹೊಂದಿಯೆರೆ ಬಲ್ಲಿ ಅಂದ್‌ದ್ ಸೈತಾನೆ ಬತ್ತ್‌ದ್ ಪಾತೆರೊನು ಅಕ್ಲೆನ ಉಡಲ್‌ಡ್ದ್ ದೆತ್ತ್‌ದ್ ಬುಡ್ಪೆ. ಮೊಕುಲೇ ಸಾದಿದ ಬರಿಟ್ಟ್ ಬೂರ್ದಿತ್ತಿ ಬಿತ್ತುಲು ಆದುಪ್ಪುವೆರ್.

ಬೊಲ್ಪುಗು ಬರಂದಿನ ವಾ ಗುಟ್ಟುಲಾ ಇಜ್ಜಿ. ಬೊಕ್ಕ ಗೊತ್ತಾವಂದೆ ಬೈಲ್‌ಗ್ ಬರಂದಿನ ಒಂಜಿ ಗುಟ್ಟುಲಾ ಇಜ್ಜಿ.

ಆ ಪೊಂಜೊವು ತಾನ್ ಮದೆ ಆತಿನಾಲ್ ಅತ್ತ್ ಅಂದ್‌ದ್ ತೆರಿದ್ ನಡುಗೊಂದು ಎದುರು ಬತ್ತ್‌ದ್ ಆಯಗ್ ಅಡ್ಡಬೂರ್ದು ತಾನ್ ಆಯನ್ ಮುಟ್ಟಿನ ಕಾರಣೊನ್ಲಾ ಮುಟ್ಟಿನಪಗನೇ ಗುಣ ಆಯಿನ ಸೀಕ್‌ನ್ಲಾ ಮಾತ ಜನೊಕುಲೆ ಎದುರು ತೆರಿಪಾಯಲ್. ಯೇಸು ಆಲೆಗ್, “ಮಗಲೇ, ನಿನ ನಂಬಿಕೆನೇ ನಿನನ್ ಗುಣ ಮಲ್ತ್ಂಡ್. ಸಮಾಧಾನೊಡು ಪೋಲ,” ಅಂದ್‌ದ್ ಪಂಡೆ.

ಇಂಚ ಉಪ್ಪುನಗ ಅಕುಲು ಯೇಸುನು ಮೆನ್ತ್‌ದ್, “ಗುರೂ, ಗುರೂ, ಸೈಯೊಂದುಲ್ಲ,” ಅಂದ್‌ದ್ ಲಕ್ಕಾಯೆರ್. ಅಪಗ ಆಯೆ ಲಕ್ಕ್‌ದ್ ಗಾಳಿನ್ಲಾ ಉರ್ಕು ನೀರ್‌ನ್ಲಾ ದಟ್ಟಿಯೆ. ದಟ್ಟಿನಗನೆ ಅಬ್ಬರ ಉಂತುದು ಶಾಂತ ಆಂಡ್.