Popular Bible Verses from ಮತ್ತಾಯೆ 18

Share

ದಾಯೆ ಪಂಡ ಇರ್ವೆರಾವಡ್, ಮೂವೆರಾವಡ್ ಎನ ಪುದರ್‌ಡ್ ಓಲ್ ಒಟ್ಟು ಸೇರ್ದ್ ಬರ್ಪೆರಾ ಅವುಲು ಅಕ್ಲೆ ನಡುಟು ಯಾನ್ ಉಲ್ಲೆ,” ಪಂಡೆ.

ಉಂದತ್ತಂದೆ ನಿಕ್ಲೆಡ್ ಇರ್ವೆರ್ ಒಟ್ಟಾದ್ ನಟ್ಟೊನುನ ಒವ್ವಾಂಡಲಾ ಒಂಜಿ ಕಾರ್ಯದ ಸಂಗತಿಲಾವಡ್ ಭೂಲೋಕೊಡು ಒಂಜೇ ಮನಸಾದಿತ್ತ್ಂಡ ಅವು ಪರಲೋಕೊಡುಪ್ಪು ಎನ ಅಮ್ಮೆರೆಡ್ದ್ ಅಕ್ಲೆಗ್ ಒದಗ್‌ದ್ ಬರು, ಅಂದ್‌ದ್ ಕುಡ ನಿಕ್ಲೆಗ್ ಪನ್ಪೆ.

ಆಯೆ ಎಲ್ಯ ಬಾಲೆನ್ ಕೈತಲ್‌ ಲೆತ್ತ್‌ದ್ ಅಕ್ಲೆನ ನಡುಟು ಉಂತಾದ್ ಅಕ್ಲೆಡ, “ನಿಕುಲು ಪಶ್ಚಾತಾಪ ಪಡೆದ್ ಕುಡೊರ ಎಲ್ಯ ಜೋಕುಲೆ ಲೆಕ್ಕ ಆವಂದೆ ಪೋಯಿಜರ್ಡ ಪರಲೋಕ ರಾಜ್ಯೊಗು ಪೋಪಿನೆ ಇಜ್ಜಿ, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.

ಇಂಚ ಉಪ್ಪುನೆಡ್ದ್ ಏರ್ ಈ ಎಲ್ಯ ಬಾಲೆದಲೆಕ್ಕ ತನನ್ ತಗ್ಗಾವೊನ್ವೆನಾ, ಆಯೆನೇ ಪರಲೋಕ ರಾಜ್ಯೊಡು ಮಲ್ಲಾಯೆ.

ಉಂದತ್ತಂದೆ ಏರಾಂಡಲಾ ಎನ ಪುದರ್‌ಡ್ ಇಂಚಿನ ಒಂಜಿ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್.

“ಭೂಲೋಕೊಡು ನಿಕುಲು ಒವೆನ್ ಕಟ್ಟುವರಾ, ಅವು ಪರಲೋಕೊಡ್ಲಾ ಕಟ್ಟ್‌ದುಪ್ಪು. ಬೊಕ್ಕ ಭೂಲೋಕೊಡು ನಿಕುಲು ಒವೆನ್ ಗಿರ್ಪುವರಾ ಅವು ಪರಲೋಕೊಡ್ಲಾ ಗಿರ್ಪುಂಡು, ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ.

ನಿಕ್ಲೆಡ್ ಪ್ರತಿಯೊರಿಲಾ ತನ ಸಹೋದ್ರನ ಪಾಪೊನು ಪೂರ್ತಿ ಮನಸ್‌ಡ್ದ್ ಮಾಪು ಮಲ್ಪಂದೆ ಪೋಯರ್ಡ, ಪರಲೋಕೊಡುಪ್ಪು ಎನ ಅಮ್ಮೆ ನಿಕ್ಲೆಗ್ ಅಂಚೆನೇ ಮಲ್ಪುವೆ,” ಪಂಡೆ.

“ಎನ ಮಿತ್ತ್ ನಂಬಿಕೆ ದೀಪಿನ ಈ ಎಲ್ಯಾಕುಲೆಡ್ ಒರಿಯಗ್ ಏರಾಂಡಲಾ ಅಡ್ಡಿ ಮಲ್ತೆಡ ಅಂಚಿನಾಯನ ಕಂಟೆಲ್‌ಗ್ ಮಲ್ಲ ಬೀಸುನ ಕಲ್ಲ್ ಕಟ್ಟ್‌ದ್ ಕಡಲ್ದ ಗುಂಡಿಗ್ ಮುರ್ಕಾವುನವು ಎಡ್ಡೆ ಅವು.

“ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ನೂದು ಕುರಿಕುಲು ಉಪ್ಪುನಗ ಐಟ್ಟ್ ಒಂಜಿ ಕುರಿ ತತ್ತ್‌ದ್ ಪೋಂಡ ಆಯೆ ಸೊನ್ಪತ್ತೊರ್ಂಬ ಕುರಿಕುಲೆನ್ ಗುಡ್ಡೆಡ್ ಬುಡ್ದು, ತಪ್ಪಾವೊಂದು ಪೋತಿನ ಒಂಜಿ ಕುರಿನ್ ನಾಡೊಂದು ಪೋಪೆ ಅತ್ತಾ.