Popular Bible Verses from ಮತ್ತಾಯೆ 24

Share

ಉಂದತ್ತಂದೆ ಅನ್ಯಾಯ ಹೆಚ್ಚಾಪಿನೆಡ್ದ್ ಮಸ್ತ್ ಜನೊಕುಲೆ ಪ್ರೀತಿ ಚೌಲಿ ಆದ್ ಪೋಪುಂಡು. ಆಂಡ ಕಡೆ ಮುಟ್ಟ ತಾಳೊನುನಾಯಗ್ ರಕ್ಷಣೆ ಆವು.

ಉಂದತ್ತಂದೆ ಪರಲೋಕ ರಾಜ್ಯದ ಈ ಸುವಾರ್ತೆನ್ ಇಡೀ ಲೋಕೊಡು ಮಾತ ಜನಾಂಗೊಲೆಗ್ ಸಾಕ್ಷಿಗಾದ್ ಸಾರಿಯುಂಡು. ಅಪಗ ಅಂತ್ಯ ಬರ್ಪುಂಡು.

ಉಂದತ್ತಂದೆ ಯುದ್ದೊಲು ಆಪಿನೆನ್ಲಾ, ಯುದ್ದೊಲು ಆಪಿಲೆಕ್ಕ ಉಂಡು ಪನ್ಪಿ ಸುದ್ಧಿಲೆನ್ಲಾ ನಿಕುಲು ಕೇನೊಡಾಪುಂಡು. ಗಲಿಬಿಲಿ ಆವಂದಿಲೆಕ್ಕ ತೂವೊನ್ಲೆ. ಇಂಚಿನ ಪರಿಸ್ಥಿತಿ ಆಪಿನವು ಅಗತ್ಯ. ಆಂಡಲಾ ಉಂದು ಅಂತ್ಯಕಾಲ ಅತ್ತ್.

ಜನಾಂಗದ ವಿರೋಧಾದ್ ಜನಾಂಗೊಲುಲಾ, ರಾಜ್ಯೊಗು ವಿರೋಧಾದ್ ರಾಜ್ಯೊಲುಲಾ ಲಕ್ಕುಂಡು. ಬರಗಾಲ ಬರ್ಪಿನವುಲಾ ಭೂಕಂಪೊಲು ಆಪಿನವುಲಾ ಉಂದು ಮಾತ (ಪೊಸ ಯುಗ ಪುಟ್ಟುನ) ಪೆದ್ದುನ ಬೇನೆದ ಸುರುತ್ತ ಬೇನೆಲು.

ಬಾನಲಾ ಭೂಮಿಲಾ ಆಳಿದ್ ಪೋವು, ಆಂಡ ಎನ ಪಾತೆರೊಲು ಆಳಿದ್ ಪೋಪಿನೆ ಇಜ್ಜಿ.

ದಾಯೆ ಪಂಡ ಕೆಲೆವೆರ್ ಬತ್ತ್‌ದ್ ಎನ ಪುದರ್ ದೆತ್ತೊಂದು, ‘ಯಾನೇ ಕ್ರಿಸ್ತೆ,’ ಅಂದ್‌ದ್ ಏತೋ ಜನೊಕುಲೆನ್ ಮೋಸೊಡು ಪಾಡೆರ್.

ಅಪಗ ನಿಕ್ಲೆನ್ ಭಂಗೊಗು ಒಚ್ಚಿದ್ ಕೊರ್ದು ಕೆರ್ವೆರ್. ಎನ ಪುದರ್‌ಗಾದ್ ನಿಕ್ಲೆನ್ ಮಾತ ಜನಾಂಗದಾಕುಲು ಪಗೆ ಮಲ್ಪುವೆರ್. ಅಪಗ ಮಸ್ತ್ ಜನ ಪಿರಜಾರ್ದ್ ಒರಿಯನ್ ಒರಿ ಪತ್ತ್‌ದ್ ಕೊರುವೆರ್. ಒರಿಯ ಮಿತ್ತ್ ಒರಿ ಪಗೆ ಮಲ್ಪುವೆರ್. ಮಸ್ತ್ ಜನ ಸುಳ್ಳು ಪ್ರವಾದಿಲುಲಾ ಲಕ್ಕ್‌ದ್ ಮಸ್ತ್ ಜನೊಕುಲೆನ್ ಮೋಸೊಗು ಪಾಡೆರ್.

ಅಪಗ ಯೇಸು ಅಕ್ಲೆಗ್ ಉತ್ತರ ಕೊರ್ದು ಪಂಡಿನಿ, “ಏರಾಂಡಲಾ ನಿಕ್ಲೆನ್ ಮೋಸ ಮಲ್ಪಂದಿಲೆಕ್ಕ ತೂವೊನ್ಲೆ.

ಅಂಚಾಯಿನೆಡ್ದ್ ನಿಕುಲುಲಾ ತಯಾರಾದುಪ್ಪುಲೆ; ನಿಕುಲು ಎನ್ನಂದಿ ಗಳಿಗೆಡ್ ನರಮಾನಿ ಮಗೆ ಬರ್ಪೆ.

ಇಂಚ ಉಪ್ಪುನಗ ನಿಕ್ಲೆ ಕರ್ತವೆ ಬರ್ಪಿನ ದಿನ ನಿಕ್ಲೆಗ್ ಗೊತ್ತುದಾಂತೆ ಉಪ್ಪುನೆಡ್ದ್ ಎಚ್ಚರಿಕೆ ಆದುಪ್ಪುಲೆ.

“ಉಂದತ್ತಂದೆ ಆ ದಿನತ ಬಗೆಟ್ಲಾ ಆ ಗಳಿಗೆದ ಬಗೆಟ್ಲಾ ಎನ ಅಮ್ಮೆರೆಗ್ ಒರಿಯಗೇ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್.

ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ನೋಹನ ದಿನೊಕುಲೆಡ್ ಎಂಚ ಇತ್ತನಾ ಅಂಚೆನೇ ನರಮಾನಿ ಮಗೆ ಬರ್ಪಿನವುಲಾ ಉಪ್ಪು. ಎಂಚಂದ್ಂಡ ಜಲಪ್ರಳಯದ ದುಂಬದ ದಿನೊಕುಲೆಡ್ ನೋಹೆ ಕಪ್ಪಲ್‌ಡ್ ಸೇರಿನ ದಿನ ಮುಟ್ಟ ಜನೊಕುಲು ಉನೊಂದು, ಪರೊಂದು, ಮದ್ಮೆ ಮಲ್ತೊಂದು, ಮಲ್ಪಾವೊಂದು ಇತ್ತೆರ್. ಜಲಪ್ರಳಯದ ನೀರ್ ಬತ್ತ್‌ದ್ ಮಾತೆರೆನ್ ಒಯ್ತೊಂದು ಪೋನೆಟ್ಟ ದಾಲಾ ತೆರಿಯಂದೆ ಇತ್ತೆರತ್ತಾ, ಐತ ಲೆಕ್ಕನೆ ನರಮಾನಿ ಮಗೆ ಕುಡ ಬರ್ಪಿ ಕಾಲೊಡ್ಲಾ ಉಪ್ಪು.