Popular Bible Verses from ಮಾರ್ಕೆ 1

Share

ಪುಲ್ಯಕಾಂಡೆ ನನಲಾ ಕತ್ತಲೆ ಉಪ್ಪುನಗ ಯೇಸು ಲಕ್ಕ್‌ದ್ ಪಿದಾಡ್ದ್ ಜನಮಾನಿದಾಂತಿನ ಜಾಗ್‌ಗ್ ಪೋದು ಅಲ್ಪ ಪ್ರಾರ್ಥನೆ ಮಲ್ತೊಂದಿತ್ತೆ.

ಯೋಹಾನೆ ಕೈದಿ ಆಯಿ ಬೊಕ್ಕ ಯೇಸು ಗಲಿಲಾಯ ಸೀಮೆಗ್ ಬತ್ತ್‌ದ್ ಜನೊಕುಲೆಗ್, “ಕಾಲ ಕರಿಂಡ್, ದೇವೆರೆ ರಾಜ್ಯ ಕೈತಲ್ ಆವೊಂದುಂಡು. ಪಶ್ಚಾತಾಪ ಪಡೆಲೆ, ಸುವಾರ್ತೆನ್ ನಂಬುಲೆ!” ಪಂಡ್ದ್ ದೇವೆರೆ ಸುವಾರ್ತೆನ್ ಸಾರಿಯೆ.

ಯೇಸು ನೀರ್‌ದುಲಯಿಡ್ದ್ ಮಿತ್ತ್ ಬತ್ತಿನಪಗ ಪರಲೋಕ ಜತ್ತ್ಂಡ್, ಬೊಕ್ಕ ದೇವೆರಾತ್ಮ ಪಾರಿವಾಳದ ರೂಪೊಡು ಆಯ ಮಿತ್ತ್ ಜಪ್ಪುನೆನ್ ಯೋಹಾನೆ ತೂಯೆ. ಅಪಗ ಪರಲೋಕೊಡ್ದು ಒಂಜಿ ಸ್ವರ ಆಂಡ್, “ಈ ಎನ ಪ್ರೀತಿದ ಮಗೆ, ನಿನಡ್ ಎಂಕ್ ಮೆಚ್ಚಿಗೆ ಉಂಡು.”

ಯಾನ್ ನಿಕ್ಲೆಗ್ ನೀರ್‌ದ ದೀಕ್ಷಾಸ್ನಾನ ಕೊರೊಂದುಲ್ಲೆ; ಆಂಡ ಆಯೆ ನಿಕ್ಲೆಗ್ ಪರಿಶುದ್ಧಾತ್ಮೊಡು ದೀಕ್ಷಾಸ್ನಾನ ಮಲ್ಪಾವೆ ಅಂದ್‌ದ್ ಸಾರಿದ್ ಪಂಡೆ.”

ಯೇಸು ಅಕ್ಲೆಡ, “ಎನ ಬೆರಿಯೆ ಬಲೆ, ಯಾನ್ ನಿಕ್ಲೆನ್ ನರಮಾನಿಲೆನ್ ಪತ್ತುನ ಬೆಸ್ತೆರಾದ್ ಮಲ್ಪುವೆ.” ಅಂದ್‌ದ್ ಪಂಡೆ. ಕೂಡ್ಲೆ ಅಕುಲು ತನ್ಕುಲೆ ಬಲೆನ್ ಬುಡ್ದು ಆಯ ಬೆರಿಯೆ ಪೋಯೆರ್.

ಜನೊಕುಲು ಆಯನ ಬೋಧನೆನ್ ಕೇಂಡ್ದ್ ಅಚ್ಚಿರ ಆಯೆರ್. ದಾಯೆಗಂದ್ಂಡ ಆಯೆ ಶಾಸ್ತ್ರಿಲೆ ಲೆಕ್ಕ ಬೋಧನೆ ಕೊರಂದೆ ಅಧಿಕಾರ ಇತ್ತಿನಾಯಲೆಕ್ಕ ಅಕ್ಲೆಗ್ ಬೋಧನೆ ಕೊರೊಂದಿತ್ತೆ.