Popular Bible Verses from ಮಾರ್ಕೆ 6

Share

ಯೇಸು ಅಕ್ಲೆಡ, “ನಿಕುಲು ಪ್ರತ್ಯೇಕಾದ್ ಕಾಡ್‌ಗ್ ಬತ್ತ್‌ದ್, ಒಂತೆ ಆಯಸ ದೆಪ್ಪುಲೆ,” ಅಂದ್‌ದ್ ಪಂಡೆ. ದಾಯೆಗಂದ್ಂಡ ಮಸ್ತ್ ಜನೊಕುಲು ಬರೊಂದು ಪೋವೊಂದು ಇತ್ತಿನೆಡ್ದ್ ಯೇಸುಗ್ಲಾ ಆಯನ ಶಿಷ್ಯೆರೆಗ್ಲಾ ವಣಸ್ ಮಲ್ಪೆರೆಗ್ ಪುರ್ಸೊತ್ತು ತಿಕ್ಕ್‌ಜಿ.

ಯೇಸು ಅಕ್ಲೆಡ, “ಪ್ರವಾದಿಗ್ ಮಾತ ಕಡೆಟ್ಲಾ ಮರ್ಯಾದಿ ಉಂಡು; ಆಂಡ ಸ್ವಂತ ಊರುಡ್ಲಾ, ಸ್ವಂತ ಜನೊಕುಲೆಡ್ಲಾ ಸ್ವಂತ ಇಲ್ಲಡ್ಲಾ ಮರ್ಯಾದಿ ಇಜ್ಜಿ,” ಪಂಡೆ

ಯೇಸು ಓಡೊಡ್ದು ಜಪ್ಪುನಗ ಮಸ್ತ್ ಜನೊಕುಲೆ ಗುಂಪುನು ತೂದು ಮೊಕುಲು ಕುರುಬೆದಾಂತಿ ಕುರಿಕುಲೆ ಲೆಕ್ಕ ಉಲ್ಲೆರತ್ತಾ ಪಂಡ್ದ್, ಕನಿಕರ ಪಡೆದ್ ಅಕ್ಲೆಗ್ ಬೋಧನೆ ಕೊರಿಯೆರೆ ತೊಡಗಿಯೆ.

ಆಯೆ ಅಲ್ಪ ಕೆಲವು ಸೀಕ್‌ದಾಕುಲೆನ ಮಿತ್ತ್ ಕೈ ದೀದ್ ಗುಣ ಮಲ್ತಿನೇ ಅತ್ತಂದೆ ಬೇತೆ ವಾ ಕಾರ್ನಿಕೊಲೆನ್ಲಾ ಮಲ್ಪೆರೆ ಆಯಿಜಿ. ಅಕ್ಲೆನ ಅಪನಂಬಿಕೆನ್ ತೂದು ಆಯೆ ಅಚ್ಚಿರ ಆಯೆ.

ಐಡ್ದ್ ಬೊಕ್ಕ ಯೇಸು ಐನ್ ರೊಟ್ಟಿನ್ಲಾ ರಡ್ಡ್ ಮೀನ್‌ನ್ಲಾ ದೆತ್ತೊಂದು ಬಾನದಂಚಿ ತೂದು ದೇವೆರೆನ್ ಸುಗಿತ್‌ದ್ ರೊಟ್ಟಿನ್ ಪೊಲ್ತುದು, ನಿಕುಲು ಜನೊಕುಲೆಗ್ ಪಟ್ಟ್‌ಲೆ ಅಂದ್‌ದ್ ಶಿಷ್ಯೆರೆ ಕೈಕ್ ಕೊರ್ದು; ಆ ರಡ್ಡ್ ಮೀನ್‌ನ್ಲಾ ಮಾತೆರೆಗ್ ಪಟ್ಟಾಯೆ. ಅಕುಲು ಮಾತೆರ್ಲಾ ಬೋಡಿತ್ತಿನಾತ್ ತಿಂದೆರ್. ಒರಿದಿನ ರೊಟ್ಟಿ ಬೊಕ್ಕ ಮೀನ್‌ದ ತುಂಡುಲೆನ್ ಒಟ್ಟು ಮಲ್ಪುನಗ ಪದ್ರಾಡ್ ಪುಡಯಿ ದಿಂಜಿಂಡ್.