Popular Bible Verses from لوقا 14

Share

"ونِّي غَارِي د يتَاسن نش، مڒَا يعِيزّ خَاس بَابَاس كْتَار زَّايِي نش نِغ ذ يمَّاس نِغ ذ ثمْغَارْث نّس نِغ ذ ثَارْوَا نّس نِغ ذ اَيْثْمَاس نِغ ذ سْوِيثْمَاس نِغ ذ يخف نّس، أَتَاف وَار يزمَّر اَذ يِيڒِي ذ اَمحْضَار ينُو.

ونِّي يرزُّوْن اَذَايِي يذْفَار وَار يكسِّي شَا صَّلِيب نّس مِيخ غَا يعدّب، أَتَاف وَار يزمَّر اَذ يِيڒِي ذ اَمحْضَار ينُو.

ڒَاحقَّاش ونِّي يسمْغَارن يخف نّس، أَتَاف اَذ يِيڒِي ذ اَمزْيَان. ونِّي يسمْزَاين يخف نّس، أَتَاف اَذ يِيڒِي ذ اَمقّْرَان."

أَمنِّي عَاوذ وَار يزمَّر شَا ؤُڒَا ذ يجّن زَّايْوم اَذ يِيڒِي ذ اَمحْضَار ينُو إِلَّا مڒَا يسْمح ذِي مَارَّا مِين غَارس.

مڒَا شَان يجّن زَّايْوم يرْزُو اَذ يبْنَا صُّوْمْعث، ئِتْخصَّا-يَاس ذ اَمزْوَارُو اَذ يݣّ ڒحْسَاب مشْحَاڒ مِينْزِي غَا ثنْقَام مَا يزمَّر-اَس ٱت يكمّڒ مَا لَّا. مَاشِي اَذ يݣّ دْسَاس وَاهَا، صُّوْمْعث نِّي وَار يزمَّر شَا اَت يكمّڒ. يِنِّي إِي ذَايس يخزَّارن اَتَاف مَارَّا اَخَاس ضحْشن، أَذ ينِين قَا اَرْيَاز-أَ يبْذَا يبنَّا وَلَكِن وَار يزمَّر شَا اَت يكمّڒ.

لَّا، مڒَا ثݣِّيذ زَرّْدث عَرض خ ڒْمُسَاكِين ذ ينشْرُوْفن ذ يزحَّافن ذ يضَرْغَاڒن. سَّعْذ نّش عْلَاحقَّاش وَار غَارْسن مِينْزِي ش غَا خدْجْسن. أَتَاف اَذَاش يتْوَاخْڒف ذِي نْهَار نِّي خْمِي د غَا كَّرن زِي ڒْموْث يِنِّي يدْجَان نِيشَان."

ڒمْڒح ثْصدْجَاح، وَلَكِن مڒَا يرُوْح-اَس لْمَذَاق نّس، مَامْش ذَاس غَا نݣّ اَذَاس ثِيذ نَارّ؟ أَتَاف وَار ثْصدْجَاح لَّا إِ ثْمُوْرْث لَّا إِ ثْزوْبَايْث، غِير اَت نْضَرن غَار بَرَّا وَاهَا. صنّط مْلِيح آ ونِّي يتْسْڒَان."