Popular Bible Verses from MARKƏ 2

Share

Yeesu əskəŋ kel gə minti yə wəətənəy, kəya wə hərnəy kel minti: «Kaa gə minti wəra holoŋ ɗe a golde maa kasi doktora mo? Ɗe suru haa kaa kə ɗemeŋ. Ten bəŋ paapa gud kaa ɗekeriŋa ba, ten bəŋ haa gud kaa kə ji baymeleŋa.»

Bə minti Yeesu ɗeŋ a ase anəkay minti kaa teŋ gə doo-de gud tó ŋaanaanə moŋ, wə waataŋ hulum bə hurufiŋ minti: «Daarənti, baymele nəmtiŋ fəlaŋ vəəgi bə giidu ne.»

Wə wəətənəy pa minti: «Pepeŋ jəŋ kaŋ wəra kəm, adoro wə jiiniy hi bə faakeŋ bə kəyəy. Wə jəŋ hi bə faakeŋ wəra ajew, adoro wə jəŋ kaa kəsarkaŋ minti yə faakə la duruŋ, paapa bədoona ba.

Səma yə fəlaŋ ko bə vəɗu a Yeesu kas kaa kə ablaw ba. Yə luŋ duuru apəya cəərə kuliŋ na, yə palwaŋ agal du wəra pəlaŋ anə ɗeker cəərə ko bə minti Yeesu adaŋ, yə əsəŋ bə ziiri gisiŋ da də hulum bə hurufiŋ giidu bəy.

Səma, ten gaŋ dərəŋ yaŋ wəra hebkəna minti ten, *Kormə Hulúm, də abay cəərə seŋkaŋa kəna bə aye vəəgi bə giiduŋ cəərə baymeleŋa.» Kəya wə waataŋ hulum bə hurufiŋ minti: «Ten waatam: faa la apəya, haa gisi nəmtiŋ la, ɗee la akera.»

Gə ji gəəli dəŋaŋ kumsiŋ gud kel té ɓasiŋa haa məntəŋ mo? Ten waataŋ hulum bə hurufiŋ ne minti: ‹Baymele nəmtiŋ fəlaŋ vəəgi bə giidu ne›, ɗalba ‹faa la apəya, haa gisi nəmtiŋ la, ɗee laŋ› mo?

Kəya, hulum faŋ, wə haŋ gisi nuutuŋ, wə kəlaŋ wəra, kaŋ bə gulu kirkir gil keɗe. Yə bəsaŋ máŋ kuy gə ha'tə-ha'te laki. Kəya yə əsəŋ bə tokɗe Pepeŋa minti: «Sar kel té kayiŋ, are əsnəy hõy ba!»