Popular Bible Verses from MARKƏ 9

Share

Yeesu hərnu kel minti: «Tam waataŋ minti: ‹Tam yaŋ bə nakə-neke mo› haa səm mo? Ten bə nakə-neke bə ji karman muntu muntu mo a hulum bə minti jəəne bə doo-deŋ.»

A ko toŋa kəya bar pur naakaŋ ku faɗi minti: «Ten de guuduma! Səma, kəyan la, gud maa mo de katən bə kerpə-kerpe.»

Bə minti anə Yeesu haraŋ aker naŋ, kaa gə guudu əsəŋ bə law ku bay ciiri minti: «Ana are kaayaŋ teŋ nəkaŋ bə pi kəwal teŋ wəra baŋ, haa səm mo?» Wə hərnəy kel minti: «Sar kəwal té kay-kayiŋ, aŋ toosoŋ baŋ, aŋ neke bə pəy wəra bə gəm.»

Mantaŋ haa karman pisi. Səma disi du pəŋ ne wəraŋ, hulum neke bə həru disi pəda. Aŋ jəə la dəsəŋ ku kumsəŋa, aŋ jəə la kəkaɓi aduubə də kumsəŋa gəm.»

«Hulum bə minti doŋ kel də beebe konce ne damdi naytoŋ gil kənaŋ ana gud səmanaŋ, wə doŋ haa kel dən gadi faɗi. Hulum bə minti doonon kel dən neŋ, wə doŋ haa paapa kel dən təwa ba, wə doŋ haa kel də hulum bə minti a gaanan daŋ gadi faɗi gəm.»

Hulum kəman aynaŋ ne nuutuŋa koo kan gə se gud bə minti aŋ kaa kə Kristuŋ, gəəzi ten waataŋ, wə ɗe a fele werke diŋ wəra me'i.»

Yeesu waataŋ pa minti: «Hulum mundu mundu mo minti gaŋ gom də beebe konce toŋ ne gila bə minti bə doo-de guudəna bə yaake kəkəy bə deŋa, yə a gaa hulum toŋ la dər kan kəmtəŋ na də kuuni bə ecce bə əntə-ənti kuuru ɗaw, kəm haa kel ga'i saksaki.

Daana pa, jəəne minti gam bə yaake kəkəy bə deŋa haa dərəm, bəərə la wəra. Gud maa mo, tam kəlaŋ ne dərəm məna a *Kumna kə Pepeŋaŋ, marya dəŋaŋ bə minti tam ɗe a kele dər cəwaŋa də dərəm ada ɓasi keɗeŋ.