Popular Bible Verses from यहुन्ना 19

Share

अन पसे ईसू अंगूरा का रस चाक्या केड़े बोल्यो, “पूरो व्यो।” अन मातो नमान जीव छोड़ दिदो।

ईंका केड़े ईसू ओ जाणन के, अबे हारोई पूरो वेग्यो हे। तो वणी पवितर सास्तर में ज्यो बतायो ग्यो हो वो पूरो वेवा वाते क्यो, “मूँ तरियो हूँ।”

जद्याँ ईसू आपणी बई अन वो चेला ज्यो लाड़लो केवातो हो, भड़े ऊबा देक्या तो आपणी बईऊँ क्यो, “ओ मास्या, ओ थारो बेटो हे।” तद्याँ वणा आपणाँ चेलाऊँ क्यो, “आ थारी बई हे।” अन वीं टेमऊँ वो चेलो वींने आपणाँ घरे लेग्यो।

पण, जद्याँ ईसू का नके आन देक्यो के, वो मरग्यो हे, तो वाँकी टांगा ने तोड़ी। अन वणा सपायाँ मेंऊँ एक जणे वाँकी पाळी में भालो घुसा दिदो अन जणीऊँ तरत लुई अन पाणी निकळ्यो।

ईं बाताँ ईं वाते वींके, पवितर सास्तर में ज्यो बतायो ग्यो हो वो पूरो वेवे के, “वींको एक भी हाड़क्यो ने तोड़्यो जाई।” पछे एक ओरी दूजी जगाँ ओ लिक्यो हे के, “जणी वींके भालो घुसायो हे, वींने वीं देकी।”

अन ईसू आपणी हूळी उठातो तको वीं जगाँ पे ग्यो ज्या “कपाळ की जगाँ” केवाती ही अन इबरानी भासा में “गलगता” केवाती ही।

पछे सपायाँ काँटा की डाळ्याँ को मुकट गूँतन ईसू का माता पे मेल दिदो। अन वींने दरबारी गाबा पेरायाँ।