Popular Bible Verses from uYoohani 17

Share

We Taata, uvhazelufwe kwi idala ilya vhwanalyoli vhwaho. Izwi lyaho vhwe vhwanalyoli.

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

UYeesu ahajendeelela kulaavha, ahati, “Ntakuvhalaavhila vhanaavha vheeka, nkandi na vhanji vhe kuuti vhaniitishe ku zye ivha vhalisambilizyaga. Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

We Taata, ntakulaavha kuuti uvheefwe mu nsi umu, nkandi kuuti uvhaguulile nu Muvhiivhi ula uSeetano.

Uvhushindamu vhwe umpiiye, niine mbapiiye avhasundikwa vhaane, inga vhavhe ishintu shooka inza vwe niine niiwe tuli ishintu shooka. Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.