Popular Bible Verses from Juan 16

Share

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Opáichavo og̃uahẽta katuete pe ára pe Pytu Añeteguáva oikuaaukáta peẽme pe añetegua ha penemboguatáta añetegua rape rehe, Ha’e noñe’ẽmo’ãi ijehegui rei, omombe’úta uvei opaite mba’e ohendútava guive ha oikuaaukáta peẽme avei umi mba’e ojehuva’erãva.

Ko’ág̃a peve ne’ĩra pejerure mba’eve che rérape, pejerure katu ha pehupityva’erã, peẽ pevy’aite hag̃ua.

Che amombe’úma peẽme pe añetegua: Iporã ningo peẽme g̃uarã Che aha ramo, Che ndahái ramo, ndoumo’ãi pe Pytyvõhára pene rendápe, Che aha rire katu, amboúta ichupe pene rendápe. Ha pe Pytu Porãmbáva ou vove ohechaukáta opaite tetãyguakuérape hembiapo ivaiha, ha opavave oñembojovakeva’erãha ha opavave ndojeroviáiva guive oñecondenamaha.

Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui. Ha upe ára upévape peẽ napeporandumo’ãvéima chéve mba’eve. Añetehápe, añetehápe, ha’e peẽme: Opaite mba’e pejeruréva che Ruetépe che rérape Ha’e ome’ẽva’erã peẽme.

Añetehápe, añetehápe, ha’e peẽme: Peẽ penerasẽta ha pejahe’osoróta, ambue tetãyguakuéra katu ovy’áta, opáichavo pene ñembyasy oñemyengoviáta vy’a rehe.