Popular Bible Verses from Juan 21

Share

Ha oarambohasapa rire hikuái, Hesu oporandu Simon Pédrope: Nde Simon, Juan ra’y, cherayhuvépa ko’ãvagui. Simon Pédro ombohovái ichupe: Héẽ, che Jára, Nde ningo reikuaa che rohayhuha. Hesu he’i ichupe: Eñangareko che ovecha ra’ykuéra rehe. Upéi Hesu oporandu jevy: Simon, Juan ra’y, cherayhúpa, Pédro ombohovái ichupe: Héẽ, che Jára, Nde ningo reikuaa che rohayhuha. Upérõ Hesu he’i ichupe: Eñangareko che ovechakuéra rehe. Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Añetehápe, añetehápe, Che ha’e ndéve, nemitãrusuvérõ, rejeku’ajokuámi ha reho rehosehápe, ndetuja rire katu, reipysóta nde pokuéra ha ambue ndeku’ajokuava’erã ha ndeguerahava’erã nderehoseihápe.

Upémarõ Hesu he’i ichupekuéra: Peity pende red pe canóa akatúa gotýo ha penohẽta. Oity hikuái, ha ndaikatúi oguenohẽ, hetaiterei pira oikémagui irédpe.

Simon Pédro he’i ichupekuéra: Che aháta aikutu pira. Ha’ekuéra ombohovái ichupe: Ore rohóta nendive. Oho hikuái yguasu rembe’ýpe ha ojupi peteĩ canóape, ha upe pyharépe noguenohẽi mba’evete.