Popular Bible Verses from Juan 8

Share

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Ha peikuaáta pe añetegua, ha pe añetegua penemosãsóta Satana rembiguaikuéra poguýgui.

Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

Upévare pe Ta’ýra penemosãso ramo, Satana ha angaipa poguýgui, añetehápe peẽ penesãsóma.

Oporandu mantereígui hikuái Hesúpe, Ha’e oñakãrapu’ã ha he’i ichupekuéra: Pe iñangaipa’ỹva raẽte toñepyrũ, tojapi itápe ko kuña kóvape.

Hesu ombohovái ichupekuéra: Añetehápe, añetehápe, ha’e peẽme, opaite ojapóva angaipa oiko angaipa rembiguái ramo (Aña rembiguái ramo).

Oñakãrapu’ãvo Hesu oporandu ichupe: Nde kuña, moõ piko oime umi oñemoĩmava’ekue nderehe. Avave piko nanecondenáira’e. Ha pe kuña he’i Hesúpe: Avave, karai. Upémaramo Hesu he’i ichupe. Che avei norocondenamo’ãi ndéve, tereho ha anive reñemoangaipa.