Popular Bible Verses from Lúcas 6

Share

Peme’ẽ ha oñeme’ẽva’erã avei peẽme, upéichamante oñemyengovia peẽme medída porã henyhẽ porãva, oñembokacha porãva ha oñemyenyhẽ porãva’erãva avei pende vosa. Pe medída peiporúva pende rapicha rehe ojeporu jevyva’erã penderehe.

Pe tekove ipy’a porãva ningo oguenohẽ mba’eporã ipy’apy porãgui, ha pe tekove vai oguenohẽ mba’evai ipy’apy vaígui, ha umi mba’e omyenyhẽva ñande py’apy, umía katuete osẽ jevyva’erã ñande juru rupi, taha’e ñe’ẽ iporãva, taha’e ñe’ẽ ivaíva.

Pehayhu katu penderehe ija’e’ỹvape, ha pejapo mba’eporã ichupekuéra g̃uarã, ha peiporuka ichupekuéra peha’ãrõ jevy’ỹre mba’eve, ha pehupityva’erã mba’e tuicháva ha oikóta pendehegui Yvatevéva ra’ykuéra, Ha’e voi ipy’a porã avei umi oagradece’ỹva ha umi iñañáva ndive.

Peiporiahuverekókena, pende Ruete oporoporiahuvereko háicha.

Ani pembojovake pende rapichápe, ani hag̃ua peẽ peñembojovake avei, ha ani pecondena pende rapichápe, ani hag̃ua ha’ekuéra penecondena avei. Peperdona uvei pende rapichápe, ha peñeperdonáta avei peẽ.

Che katu ha’e peẽ cherendúvape: Pehayhu penderehe ija’e’ỹvape, pejapo mba’eporã umi oñemoĩvape penderehe. Peñe’ẽ porã ha pehovasa umi penemaldecívape, ha peñembo’e pendeja’óva rehe.

Ha peẽ peipota háicha umi kuimba’e ha kuñakuéra ojapo penderehe, upeichaite pejapo avei peẽ hesekuéra.

Ha oime ramo nenupãva nde rova yképe, eme’ẽ ichupe ambue nde rova yke. Ha oime ramo oipe’áva ndehegui ne póncho, eme’ẽ avei ichupe ne camisa. Ha oime ramo peteĩ mba’ejerure ndéve, ani rembotove (renegátei), eme’ẽ katu; ha upe ogueraháva ne mba’éva ani rejerure jevy.

Peteĩ yvyra porã ha hesãiva hi’a porãva’erã, ha peteĩ yvyra hasýva hi’a vaiva’erã (hasypágui).

Opaichagua yvyra ojekuaa hi’a rupi, ndojepo’ói ningo arasa ñuatĩgui, ni guavira ñana reígui.