Popular Bible Verses from Gà Ɓəzla Meslire 1

Share

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Yesuw a gwaɗa a tar aakaha: «Gà pat ŋa ana ta ge a ba ya ka, kurum tsa na ki sirwim a ya. Aɗaba Tsir gà na a tike məpàslà ahər pat ŋa ya, à gər ŋgar ilik.

A pat duwa, tar riŋ mandza ŋa i təv ilik ŋa ka, a gwaɗa a tar: «Kà dum i Yeruzalem a zukw tsa. Ama say babum dukw ana i tsik a kurum, Tsir gà a gwa, a ta vile a kurum a i sida ya. Yuhana a tsilwiɓ à mburma ka, a yam. Ama i dəba ŋa ya, aləka ka, i tsilwiɓ à kurum a ka, a Mezite Mesife Mbulum.»

I dəba məməta ŋgar a ka, a pàtawa a tar aba lele mehinne dzik faɗ, tə sər dər ka, ŋgat a riŋ nda are ndzer. I huɗ mehinne ata ya ka, a tsikewa a tar bazlam *mekwere Mbulum ana a ta kwere a ya.

Yesuw a tsik aba gà bazlam ata ya lele ka, tə zla ŋgat ndàra a gər ŋa. I təv ana tar riŋ ta fir ahər a ya ka, hulɓukw a kaha ŋgat aà are tar a.

Tar riŋ ta fir ahər a ndəramma pəra, na Yesuw a riŋ a de a ya. I dəba ŋa ya, pəzlàŋ gà mburma sula nda gà petek herrè ŋa, tə dara a təv tar a, ta gwaɗa a tar: «A kurum gà Galile, aàmala na ki ndzwim a i faha aà məfə̀rà aà gəza mbulum a? Yesuw ka, aka da ika magər kurum a, a gər ŋa. Ama à mère a mba ka, kataya mbaŋa asa, kamala naha a da à kurum a.»